Երիտասարդ հայ բռնցքամարտիկները Վրաստանում կպայքարեն մեդալների համար

 Այս մասին հաղորդում է Հայաստանի բռնցքամարտի ֆեդերացիայի մամուլի ծառայությունը:

Նշվում է, որ Վազգեն Բադալյանի և Արթուր Ուլիխանյանի գլխավորությամբ մրցավայր մեկնած մեր ընտրանու 13 մարզիկներից 11-ը եզրափակիչում են և կպայքարեն ամենաբարձր հարգի մեդալների համար։

 

«Ընդ որում 60, 67, և 92 կգ քաշային կարգերի եզրափակիչները բացառապես հայկական են լինելու։ 60 կգ քաշային կարգում ոսկե մեդալի համար կպայքարեն Էրիկ Իսրայելյանն ու Ոսկան Ոսկանյանը, 67- ում Արթուր Մկրտչյանն ու Յուրա Բաբլումյանը, իսկ 92-ում Ավետիք Հովհակիմյանն ու Իշխան Հովսեփյանը։

 

Եզրափակիչ են նաև 51 կգ քաշային Թումաս Թովմասյանը, 54 կգ քաշային Սամվել Գրիգորյանը, 57 կգ քաշային Մանվել Պետրոսյանը, 75 կգ քաշային Ալիկ Հովհաննիսյանը և գերծանր քաշային Ալբերտ Հարությունյանը»,-ասված է հաղորդագրության մեջ:

 

Եզրափակիչները կկայանան հուլիսի 24-ին։