Արտակարգ դրություն է հայտարարվել կապիկի ջրծաղիկի պատճառով
Նյու Յորքի նահանգապետ Քեթի Հոկուլը արտակարգ դրություն է հայտարարել կապիկի ջրծաղիկի վարակի բռնկման պատճառով։ ԱՄՆ-ում վարակման յուրաքանչյուր չորրորդ դեպքը տեղի է ունենում Նյու Յորքում:
Վերջին տվյալներով՝ Նյու Յորքում հայտնաբերվել է կապիկի ջրծաղիկի 1345 դեպք։ Կալիֆոռնիան ամենաշատ տուժած երկրորդ նահանգն է՝ վարակման 799 դեպքով:
«Նահանգում կապիկի ջրծաղիկի բռնկման մասին վերջին տվյալները վերանայելուց հետո ես արտակարգ դրություն եմ հայտարարում… այս բռնկմանը հակազդելու մեր ջանքերն ուժեղացնելու համար», – ասել է նահանգապետը, որը մեջբերում է իր մամուլի գրասենյակը, փոխանցում է korrespondent-ը:
ԱՀԿ-ն ավելի վաղ հայտնել էր, որ կապիկի ջրծաղիկի բռնկումը գագաթնակետին կարող է հասնել ընդամենը մի քանի ամսից: Հիվանդության տարածումը դադարեցնելու հնարավորություն գրեթե չկա։ Կազմակերպությունը հիվանդությունը հայտարարել է հանրային առողջության արտակարգ իրավիճակ։
