Սոթքի զորամասը քարուքանդ արեցին, գյուղից երեխաներին հազիվ ենք հանել. Հակոբ Ավետյան
Գեղարքունիքի մարզում ժամը 02:30-ի դրությամբ իրավիճակը շարունակում է լարված մնալ: Հակառակորդը կրակում է Սոթք, Կութ, Նորաբակ գյուղերի վրա:
Գեղամասար խոշորացված համայնքի նախկին ղեկավար Հակոբ Ավետյանը 168.am-ի հետ զրույցում ասաց, որ երեխաներին հազիվ է կարողացել տանից հանել, ամբողջ գյուղերը տարհանվել են:
«Մարդ չի մնացել, սաղ դուրս են եկել: Ահավոր վիճակ է, տան վրայով սնարյանդներն անցնում են, Սոթքի զորամասը լրիվ քարուքանդ արեցին: Ծանր տեխնիկա են աշխատացնում, միայն հրետանի է աշխատում…»,- ասաց Ավետյանը, ապա հավելեց, որ մութ է շատ բաներ տեսանելի չէ, բայց ավերածություններն ահռելի են:
