Սպարտակ Ղազարյանն է… «Քաղաքակիրթ» ադրբեջանցիները սպանեցին նրան գերության մեջ, Իշխանասարում
Արամ Գևորգյանը գրում է. Սեպտեմբերի 13-14-ին՝ ադրբեջանի՝ ՀՀ սուվերեն տարածքի վրա հարձակման օրերին, մի տեսանյութ տարածվեց համացանցում։ Տեսանյութի զինվորը Սպարտակ Արմանի Ղազարյանն էր, 2021 թվականի դեկտեմբերին էր զորակոչվել բանակ, Գորիսում էր ծառայում։
Դիրքի վրա հրետանային հարվածից հետո մի զինվորների մի մասը զոհվում են, մյուսներն էլ, Սպարտակի հետ, վիրավոր վիճակում գերեվարվում։
Սեպտեմբերի 20-ին ադրբեջանը հայկական կողմին փոխանցեց 95 հայ զինծառայողի մարմին։ Նրանց մեջ էր նաև Սպարտակի մարմինը։ «Քաղաքակիրթ» ադրբեջանցիները սպանեցին նրան գերության մեջ, Իշխանասարում։ Հարազատները գուլպաներից են ճանաչել իրենց որդուն։ Դին անճանաչելի էր։ Հրազենային վիրավորումներ էին եղել տղայի գլխի և կրծքավանդակի շրջանում… Վաղը՝ հոկտեմբերի 7-ին, Եռաբլուրում Սպարտակի հուղարկավորությունն է…
