Ամբիցիոզ ծրագիր Ավստրալիայում՝ արևային էներգիայի ոլորտում
Ավստալիական Նոր հարավային Վելս նահանգի իշխանությունները ամբիցիոզ և բավական ուշագրավ մի նախաձեռնություն են սկսել։
Նահանգի կառավարությունը ներկայացրել է էներգետիկայի տնտեսության և ֆինանսական վերլուծության ինստիտուտի նախագիծը, որը կոչվում է «Smart Energy Schools», այն մեկնարկել է 2022 թվականի մայիսին և նախագծով ցանկանում են արևային վահանակներ տեղադրել 8 միլիոն քմ տարածքում 2200 պետական դպրոցների տանիքներին։
Արդեն այս ամսվա կեսերին նահանգային կառավարությունը սկսել է հրավիրել մասնագիտացված ընկերություններին մասնակցելու պիլոտային ծրագրին, որը համարվում է Ավստրալիայում ամենախոշոր նախագծերից մեկը արևային էներգիայի ստացման ոլորտում։
Ըստ էության ավստրալիացիները գիտակցում են արևային էներգիայի օգտագործման անհրաժեշտությունը և դրա համար բավականին ուշագրավ միջոց են առանձնացրել դպրոցական շենքերի տանիքները, որոնք հարթ են և հարմար արևային վահանակներ տեղադրելու համար։
Ի դեպ, նույնպիսի նախագիծ կարող է իրականացնել նաև Հայաստանը, և դժվար թե կարողանա համապատասխան միջոցներ ներգրավել անգամ գրանտաային գումարներ, Հայաստանում գտնվող հարյուրավոր դպրոցների և մանկապարտզների տանիքներին արևային վահանակներ տեղադրելու համար։
Իհարկե մեր առաջարկը ֆանտաստիկայի և ցանկությունների ժանրից է։
Հայաստանում կա ընդամենը մեկ ընկերություն, որն արտադրում է արևային վահանակներ՝ «Սոլարոնը», և միայն մեկ ընկերություն ունենալով հնարավոր չէ հասնել լրջագույն զարգացումների արևային էներգիայի ոլորտում։
