Առեղծվածային դեպք՝ Սերպուխով քաղաքում․ արյունահոսությունից հետո 5-րդ դասարանցի է մահացել
Մերձմոսկովյան Սերպուխով քաղաքում արտակարգ դեպ է եղել․ հինգերորդ դասարանցի մի աշակերտուհի է մահացել։ Գրել է SHOT տելեգրամյան ալիքը։
Աշակերտուհին ընտանեկան արձակուրդից հետո քթից ուժեղ արյունահոսություն է ունեցել, իսկ մի քանի ժամ անց մահացել է։ Մահվանից քիչ առաջ 11-ամյա աղջկա մոտ ախտորոշվել է սինուսիտ։
Աշակերտուհին հոկտեմբերի վերջին դիմել է բժշկի՝ սուր շնչառական վիրուսային ինֆեկցիա ախտանիշներով։ Հետազոտությունից հետո նրան ուղարկել են քիթ-կոկորդ-ականջաբանի մոտ, որտեղ նշանակել են ներարկումներ և քթի ողողում։ Աղջիկը իրեն շատ ավելի լավ է զգացել։
Ուրբաթ օրը ընտանիքը նշել է կրտսեր դստեր ծննդյան տարեդարձը, որը դարձել է մեկ տարեկան։ Տարեդարձին հրավիրված է եղել նաև ավագ դստեր դասընկերուհին։ Կեսգիշերին ավագ քույրը սկսել է իրեն շատ վատ զգալ, իսկ առավոտյան քթից արյունահոսել է։
Շտապօգնություն է կանչվել, աղջիկը հոսպիտալացվել է, սակայն բժիշկները չեն կարողացել օգնել՝ Երևանի ժամանակով 14-ի սահմաններում աղջիկը մահացել է։
Մանսագետներն այժմ փորձում են պարզել մահվան ստույգ պատճառը։ Հինգերորդ դասարանցին մեծացել է բարեկեցիկ ընտանիքում, լավ է սովորել դպրոցում, զբաղվել պարով ու վոլեյբոլով։
