Երևանի կենտրոնում ավտոմեքենայում պայթյուն է տեղի ունեցել․ կան վիրшվորներ
![](banners/solaron_s.gif?v=2)
![Երևանի կենտրոնում ավտոմեքենայում պայթյուն է տեղի ունեցել․ կան վիրшվորներ](/timthumb.php?src=/disc/08-07-24/cbf816ca31691743fdbe9e0e0246b3d2.jpg&w=708)
Այսօր՝ հուլիսի 8-ին, արտակարգ դեպք է տեղի ունեցել Երևանում։ Ժամը 13։25-ի սահմաններում ՀՀ Ներքին գործերի նախարարության ոստիկանության Կենտրոնական բաժնում օպերատիվ տեղեկություններ են ստացվել, որ Գրիգոր Լուսավորիչ փողոցում՝ «Դաբլթրի բայ Հիլթոն Երևան» հյուրանոցային համալիրի հարևանությամբ, ավտոմեքենայում պայթյուն է տեղի ունեցել և կան տուժածներ։ Նմանատիպ ահազանգ ստացվել է նաև ՀՀ ՆԳՆ փրկարար ծառայության 9-11 ճգնաժամային կառավարման ազգային կենտրոն
Ինչպես հայտնում է shamshyan.com-ը, ըստ նախնական տեղեկությունների՝ պայթյունը տեղի է ունեցել «Nissan» մակնիշի ավտոմեքենայում, որն ունեցել է հեղուկ գազի արտահոսք՝ հրդեհի բռնկմամբ։ Մինչ հրշեջների ժամանումը քաղաքացիները իրենց ուժերով մարել են կրակը, սակայն ավտոմեքենան դարձել է ոչ շահագործելի։
Միջադեպի հետևանքով 2 քաղաքացի տեղափոխվել է «Այրվածքաբանության և մաշկաբանության ազգային կենտրոն»։ Ոստիկանությունն ու պարեկային ծառայությունը պարզում են ավտոմեքենայի սեփականատիրոջ, վարորդի և վիրավորների ինքնությունը։