Թրամփի վրա կրակողն օգտագործել է արտասահմանում գտնվող պլատֆորմների գաղտնագրված օգտահաշիվները. ԶԼՄ
Ներկայացուցիչների պալատի ներկայացուցչի (որը նշանակվել է ԱՄՆ Կոնգրեսի թիրախային խմբում նախկին նախագահ Դոնալդ Թրամփի, նախագահի ներկայիս թեկնածուի դեմ մահափորձի հետաքննման նպատակով) խոսքով՝ Թրամփին սպանել փորձողը Փենսիլվանիայի Բաթլեր քաղաքում, օգտագործել է գաղտնագրված օգտահաշիվներ տեղեկությունների փոխանակման համար մի քանի պլատֆորմներում, որոնք գտնվել են Բելգիայում, Նոր Զելանդիայում եւ Գերմանիայում, տեղեկացրել է Fox News-ը։
Ներկայացուցիչների պալատի անդամ Մայք Ուոլցը (հանրապետական, Ֆլորիդա) լրագրողներին ասել է այդ օգտահաշիվների մասին։ Լրագրողը Ուոլցին հարցրել է, թե արդյոք նրան եւ աշխատանքային խմբի մյուս անդամներին հաջողվել է իմանալ հրաձիգի գաղտնագրված գրառումների մասին բջջային հեռախոսում։
«Մենք դեռ շատ բան չգիտենք։ Մենք այնքան էլ շատ բան չենք իմացել այդ օտարերկրյա օգտահաշիվների մասին,- ասել է նա՝ նկատի ունենալով այն հաշիվները, որոնք ուներ պոտտենցիալ մարդասպան Թոմաս Մեթյու Քրուկսը։- Մենք գիտենք, որ դրանք եղել են, եթե ես ճիշտ եմ հասկանում, Բելգիայում, Նոր Զելանդիայում եւ Գերմանիայում։ 19-ամյա տղայի ինչի՞ն էին պետք այդ գաղտնագրված օգտահաշիվները, որոնք գտնվել են արտասահմանում, որտեղ մեր իրավապահ մարմինների համար դժվար է թափանցելը։ Այս հարցը տանջում է ինձ առաջին իսկ օրվանից»։
Կոնգրեսականը ուշադրություն է դարձրել նաեւ ՀԴԲ-ի եւ Գաղտնի ծառայության վրա՝ նրանց մեղադրելով այն բանում, որ նրանք ոչինչ չեն ասում, մինչեւ որ ավարտեն իրենց հետաքննությունը մի քանի ամիս հետո։
«Նրանք պետք է հրապարակեն տեղեկություն՝ ունենալուն պես, որովհետեւ սա միակ միջադեպը չէ,- ասել է Ուոլցը։- Այդ սպառնալիքները մշտապես բխում են Իրանից»։
