«Ոսկե գնդակ»-ի կազմակերպիչները բացատրել են, թե ինչու է մրցանակը շնորհվել Ռոդրիին, ոչ թե Վինիսիուսին
France Football-ի գլխավոր խմբագիր Վինսենթ Գարսիան նշել է, թե ինչու է «Ոսկե գնդակը» ստացել, հակառակ հանրության սպասումներին և խոսակցություններին, «Մանչեսթեր Սիթիի» կիսապաշտպան Ռոդրին, այլ ոչ թե Մադրիդի «Ռեալի» հրձակվող Վինիսիուսը։
«Ակնհայտ է, որ Վինիսիուսը միանշանակ տուժել է այն փաստից, որ Բելինգհեմն ու Կարվախալը լավագույն հնգյակում էին, քանի որ մաթեմատիկորեն մի քանի թանկարժեք միավոր են խլել նրանից: Դա նաև ամփոփում է Մադրիդի «Ռեալի» մրցաշրջանի արդյունքները, որոնցում նրանց մի քանի խաղացողներ ցուցադրեցին գերազանց ելույթներ, և ժյուրին իր ձայները բաժանեց նրանց միջև, ինչը ի հօգուտ Ռոդրիի էր», - Գարսիայի խոսքերն է մեջբերում Marca-ն։
Հիշեցնենք, որ մրցանակի հավակնորդների հնգյակում ընդգրկվել են «Ռեալի» երեք ֆուտբոլիստ՝ Վինիսիուսը, Դանի Կարվախալը և Ջուդ Բելինգհեմը։
