Մբապե․ Մենք նվաճեցինք շատ կարեւոր տիտղոս
Մադրիդի «Ռեալի» 25-ամյա ֆրանսիացի հարձակվող Կիլիան Մբապեն Միջմայրցամաքային գավաթը նվաճելուց հետո հայտարարել է, որ ցանկանում է Արքայական թիմի հետ նվաճել բոլոր հնարավոր տիտղոսները։
«Ամենագլխավորը տիտղոսներն են։ Գոլերն օգնում են նվաճել մրցանակներ, բայց թիմը միշտ ամենից կարեւոր է։ Մենք նվաճեցինք շատ կարեւոր տիտղոս։ Մեկ մրցաշրջանում 7 հնարավորից մենք նվաճեցինք առաջին երկուսը։
Մենք կձգտենք հաջորդը նվաճել Իսպանիայի սուպերգավաթը։ Մյուս տիտղոսները եւս շատ կարեւոր են, եւ մենք պետք է օգտագործենք բոլոր հնարավորությունները։ Պետք է միշտ ծարավ լինել, որպեսզի նվաճենք նաեւ մնացած հինգ տիտղոսները»,- Մբապեի խոսքը մեջբերում է RMC Sport-ը։
Մբապեն այս ամռանը ՊՍԺ-ից ազատ գործակալի կարգավիճակում «Ռեալ» տեղափոխվելուց հետո նվաճել էր նաեւ Եվրոպայի սուպերգավաթը։ Իտալացի Կառլո Անչելոտիի գլխավորած թիմը 2:0 հաշվով հաղթել էր Եվրոպայի լիգայի գավաթակիր, իտալական «Ատալանտային»: Մբապեն այդ խաղում էլ դարձել էր գոլի հեղինակ։
