Մեկ տարվա ընթացքում 5 տիտղոսը լավ է, բայց մենք ցանկանում ենք պատմություն կերտել․ Բելինգհեմը՝ «Ռեալի» մասին
Մադրիդի «Ռեալի» կիսապաշտպան Ջուդ Բելինգհեմը խոսել է Globe Soccer Awards մրցանակաբաշխության՝ որպես տարվա լավագույն կիսապաշտպան ստանալու մասին։
«Շնորհակալություն բոլորիդ և Globe Soccer-ին հրավերի համար: Հիանալի է տեսնել այսքան լեգենդար խաղացողների: Ինձ համար մեծ պատիվ է նվաճել այս տիտղոսը։ Դա հնարավոր չէր լինի առանց իմ թիմակիցների, մարզչական շտաբի և ընտանիքիս: Շատ շնորհակալ եմ բոլորիդ։
Ես հույս ունեի տիտղոսներ նվաճել «Ռեալի» հետ։ Ես պայմանագիր եմ կնքել աշխարհի լավագույն ակումբի հետ, ունեմ լավագույն թիմակիցները և լավագույն մարզչական շտաբը։ Ես ծարավ եմ ավելի շատ հաղթանակների: Մեկ տարվա ընթացքում հինգ տիտղոսը լավ է, բայց մենք ցանկանում ենք դեռ երկար տարիներ աշխատել այս սերնդի խաղացողների հետ և շարունակել պատմություն կերտել «Ռեալի» համար»,- ասել է Բելինգհեմը արարողության ժամանակ:
