Մրցակիցը մեզնից լավը չէր. Դոկուն «Մանչեսթեր Սիթիի»՝ «Լիվերպուլից» կրած պարտության մասին
«Մանչեսթեր Սիթիի» ֆուտբոլիստ Ժերեմի Դոկուն խոսել է Անգլիայի Պրեմիեր լիգայի 27-րդ տուրի՝ «Լիվերպուլի» հետ հանդիպման մասին (0:2):
«Մենք փորձեցինք: Շատ հնարավորություններ ունեինք, բայց այն բանից հետո, երբ «Լիվերպուլը» երկու գոլ խփեց, մրցակիցը շատ խորը քաշվեց։ Դժվար էր։ Ճիշտն ասած, դատելով հանդիպումից, չեմ կարծում, որ «Լիվերպուլը» մեզնից լավն էր։ Այո, նրանք լավ գործեցին, երկու գոլ խփեցին, բայց մենք լավ խաղացինք»,- Դոկուի խոսքերն է մեջբերում «Մանչեսթեր Սիթիի» պաշտոնական կայքը։
«Մանչեսթեր Սիթի»-«Լիվերպուլ» հանդիպումը կայացել է նախօրեին՝ փետրվարի 23-ին։ Խաղը կայացել է Անգլիայի Մանչեսթեր քաղաքի «Էթիհադ» մարզադաշտում և ավարտվել է մերսիսայդցիների՝ 2-0 հաշվով հաղթանակով:
