Մենք պատրաստ ենք ԱՄՆ-ի հետ ստորագրել օգտակար հանածոների մասին համաձայնագիրը. Զելենսկի
Ուկրաինայի նախագահ Վլադիմիր Զելենսկին հայտարարել է, որ Ուկրաինան պատրաստ է ԱՄՆ-ի հետ ստորագրել օգտակար հանածոների մասին համաձայնագիրը։
Այս մասին Զելենսկին ասել է Մեծ Բրիտանիայից հեռանալուց առաջ լրագրողներին տված մեկնաբանություններում, հայտնում է BBC-ն:
Նա նշել է, որ պայմանագիրը պատրաստ է նախարարի կողմից ստորագրմանԼ
«Մեր քաղաքականությունը նախկինում տեղի ունեցածը չշարունակելու վրա է հիմնված, մենք կառուցողական ենք, եթե համաձայնվել ենք օգտակար հանածոների արդյունահանման մասին համաձայնագիր ստորագրել, պատրաստ ենք ստորագրել։
Այն պայմանագիրը, որը դրված է սեղանին, կստորագրվի, եթե կողմերը պատրաստ լինեն»։
Ուկրաինայի հարաբերությունները Միացյալ Նահանգների հետ կշարունակվեն, ասել է Զելենսկին՝ ավելի ուշ հավելելով, որ չի հավատում, որ ուրբաթ օրվա տեսարանները Օվալաձև աշխատասենյակում որպես գործընկերներ ինչ-որ դրական կամ լրացուցիչ բան են բերել հարաբերություններում:
Նա հավելել է, որ վստահ է՝ իրավիճակը կանցնի, և ապագայում, եթե բանակցությունները լինեն, «կառուցողական, դրական արդյունք կլինի»։
Փետրվարի 28-ին Զելենսկին ժամանել էր Սպիտակ տուն՝ հանդիպելու Թրամփին և ստորագրելու վերը նշված պայմանագիրը։ Լրագրողների ներկայությամբ զրույցի ընթացքում նախագահների միջև վիճաբանություն է ծագել, որի ընթացքում Թրամփը Զելենսկիին մատնանշել է վերջինիս անհարգալից վերաբերմունքն ԱՄՆ-ի նկատմամբ, մեղադրել անշնորհակալ լինելու մեջ, իսկ փոխնախագահ Վենսը ասել է, թե Զելենսկին մոռացել է շնորհակալություն հայտնել Վաշինգտոնին՝ Կիևին ցուցաբերած աջակցության համար:
Թրամփի և Զելենսկու հանդիպմանը հաջորդած մամուլի ասուլիսը չեղարկվել է, և ամերիկացի առաջնորդը Truth Social սոցիալական ցանցում հայտարարություն է հրապարակել, որում ընդգծել է, որ Զելենսկին անհարգալից վերաբերմունք է դրսևորել և անպատրաստ է ուկրաինական հակամարտության խաղաղ կարգավորմանը։
