Պեդրին բացառիկ խաղացող է. Շչեսնի
«Բարսելոնայի» լեհ դարպասապահ Վոյցեխ Շչեսնին խոսել է կատալոնացիների կիսապաշտպան Պեդրիի մասին:
«Նա բացառիկ խաղացող է։ Անհավանական է տեսնել, որ նա վերահսկում է խաղի տեմպը, գիտի, թե երբ պետք է առաջ գնալ, երբ նահանջել: Նա գիտի, թե երբ արագացնել, երբ դանդաղեցնել: Նրա նման այլ խաղացող այս պահին չկա»,- Շչեսնիի խոսքերն է մեջբերում Football Espana-ն։
Իսպանիայի առաջնության ընթացիկ մրցաշրջանում 22-ամյա Պեդրին բոլոր մրցաշարերում անցկացրել է 42 հանդիպում՝ դառնալով հինգ գոլի և յոթ գոլային փոխանցման հեղինակ։ Ֆուտբոլիստի գործող համաձայնագիրը կատալոնական ակումբի հետ նախատեսված է մինչև 2030 թվականը: Transfermarkt ինտերնետ-պորտալը ֆուտբոլիստի շուկայական արժեքը գնահատում է 100 միլիոն եվրո:
