Դուք ուրիշ հերոսի անուն չգիտե՞ք. ինչու է լարված ՀՖՖ նախագահը. «Փաստ»

«Փաստ» օրաթերթը գրում է.

Նախօրեին FAF շարժման հիմնադիր Սերգեյ Ջանջոյանը ֆեյսբուքյան հայտարարություն էր արել և ի մասնավորի զգուշացրել էր, որ կարող են եվրոպական երկրներում երկրպագուական խմբերի հետ արշավ սկսել՝ ՈՒԵՖԱ-ի Գործադիր կոմիտեի անդամների ընտրությունում ՀՖՖ նախագահ Արմեն Մելիքբեկյանի ընտրվելու դեմ, եթե նա իր հրաժարականի մասին չհայտարարի: Նկատենք, որ այդ հայտարարությունը շարժման կողմից չէր, այլ անհատի: Բայց, չնայած դրան, ՀՖՖ նախագահ Արմեն Մելիքբեկյանը բավականին արագ ու կտրուկ արձագանքեց հիշյալ հայտարարությանը:

Հետաքրքիր է, որ մի իրավիճակում, երբ Հայաստանի ֆուտբոլային հանրույթն ու ֆուտբոլասերները սպասում էին և դեռ սպասում են ՀՖՖ նախագահի հրաժարականի հայտարարությանը, Արմեն Մելիքբեկյանը գերադասեց անդրադառնալ մեկ անձի, մեկ երկրպագուի հայտարարությանը, թեկուզ և նա լինի երկրպագուական շարժման հիմնադիր:

Ինչի՞ մասին է խոսում Մելիքբեկյանի նման նյարդային արձագանքը: Նախ՝ ակնհայտ է, որ անձամբ ՀՖՖ նախագահ Արմեն Մելիքբեկյանի համար ապրիլի 3-ին նախատեսված ՈՒԵՖԱ-ի Գործկոմի անդամների ընտրությունը չափազանց կարևոր է, կարելի է ասել՝ կենաց-մահու նշանակություն ունի:

Երկրորդ՝ նրան, բնական է, անհանգստացնում է Հայաստանի ֆուտբոլի ֆեդերացիայի նախագահի պաշտոնը թողնելու հեռանկարը, ինչը կարող է իրականություն դառնալ արդեն մի քանի օրից: Ավելին, լարվածության առիթ կարող է լինել նաև նոր նախագահի օրոք սպասվելիք աուդիտը ՀՖՖ-ում:

Սակայն մեկ այլ բան էլ ուշադրություն գրավեց ՀՖՖ նախագահ Մելիքբեկյանի հայտարարության մեջ. խոսքը «փաշինյանական խոսույթի» կամ, եթե կուզեք, նոտաների մասին է: Ահավասիկ. «Նման մտադրություններ ունեցողները փորձում են խոչընդոտել Հայաստանի՝ որպես ինքնիշխան պետություն միջազգային ասպարեզում ներկայանալու հնարավորությանը»: Գումարած՝ «մենք չենք թույլ տալու նման հակապետական գործելաոճով աչքի ընկնող մարդկանց...», և այլն:

Դեռ մի կողմ դնենք այն, որ մարդն իրեն նույնացնում է «հայկական ֆուտբոլի» հետ: Ընդունեք, որ լսելիք են սղոցում առիթ-անառիթ ինքնիշխանության մասին շահարկումները, այդ թվում՝ ինչ-որ կազմակերպությունում Հայաստանի ինչ-որ ներկայացուցչի լինել-չլինելու հետ կապված: Այդպես էլ ուզում ես ասել՝ լսե՛ք, դուք «ուրիշ հերոսի անուն չգիտե՞ք»: Ֆուտբոլի, անգամ ֆուտբոլի չէ, այլ՝ ֆուտբոլային կառույցներում պաշտոնների հետ կապված հարց է, ի՜նչ «հակապետական», ինչ «հարված ինքնիշխանությա՜նը»...

Իսկ պետության հարգի մասին ավելի լավ է հիշել երկրի մարզական պատիվը ոտնահարող ու խայտառակող պարտությունների համատեքստում, այլ ոչ թե անձնական կարիերայի, եթե այն անգամ միջազգային կառույցի հետ է կապված:

Մանրամասները՝ «Փաստ» օրաթերթի այսօրվա համարում

դիտվել է 0 անգամ
Լրահոս
Հայաստանը մենակ չէ Եվրամիությանն անդամակցելու իր ձգտումներում. Ֆրանսիայի ԱԳ նախարար Թուրքիան մտադիր Է Սիրիայում ռազմաբազաներ ստեղծել․ Türkiye Ռուսաստանին բառացիորեն ստիպել են «հատուկ գործողություն» սկսել. Վլադիմիր Պուտին Ուկրաինայից ԵՄ տարածք արտահանվող գյուղատնտեսական արտադրանքից մաքսատուրք պետք է գանձվի Մակրոնը հուսով է, որ Ռուսաստանից Թրամփի դժգոհությունը «մեծածավալ պատժամիջոցների» կհանգեցնի «Ոսկե գնդակի» ֆավորիտները Նիկոլ Քիդմանը հազվադեպ խոստովանություն է արել դուստրերի մասին Տնտեսության «անիվների» շարժը խոչընդոտող խութերը. «Փաստ» Կատարելագործել են արատավոր այն ամենը, ինչ ժամանակին քննադատում էին. «Փաստ» Վտանգն ավելի խորանալու միտում ունի. «Փաստ» «Սա սարսափելի ու կործանարար օրինագիծ է, փաստացի կոռուպցիան օրինականացվում է». «Փաստ» Բայց ո՞վ էր ձեզ ասել, որ գնում ենք... ԵՄ. «Փաստ» Սեփական վարկաբեկվածությունը՝ հակաքարոզչության «գործիք». «Փաստ» Այս անգամ էլ՝ ավելի քան 5 մլն դիտում. Ռոբերտ Քոչարյանի հրապարակային խոսքի դիտումները շեշտակի աճել են. «Փաստ» Փաշինյանի տեսլականը՝ չզինվել և չդիմադրել Ադրբեջանի ագրեսիային. «Փաստ» Երկրի միջուկում ոսկու հսկայական պաշարներ են թաքնված Արարատում հրդեհ է բռնկվել «Mercedes»-ի շարժիչի հատվածում Ռուսաստանն Օբամայի օրոք ԱՄՆ-ից գnղացել է հիպերձայնային hրթիռների տեխնոլոգիան. Թրամփ Balenciaga-ի եւ Lamborghini-ի ֆուտուրիստական համագործակցությունը. բարձր նորաձեւության եւ սուպերմեքենաների միաձուլում Սպերցյանի «Կրասնոդարը» հաղթեց «Դինամոյին» և պատմության մեջ առաջին անգամ հռչակվեց Ռուսաստանի չեմպիոն Վեհափառը շքանշան է հանձնել Արթուր Գրանցին, ում բարերարությամբ կառուցվել է Մինսկի Սուրբ Գրիգոր Լուսավորիչ եկեղեցին Արագածոտնում բախվել են «Դոմուս» ընկերության բեռնատարն ու «Mitsubishi»-ն․ կան տուժածներ Քիմ Քարդաշյանը 10 դայակից բաղկացած անձնակազմ ունի Վանաձորում մեքենա է այրվել Եղվարդ-Երևան ճանապարհին բախվել են 2 «Mercedes»․ կան տուժածներ
ԱՄԲՈՂՋ ԼՐԱՀՈՍԸ
Ամենաընթերցվածները
Նիկոլ Քիդմանը հազվադեպ խոստովանություն է արել դուստրերի մասին 1 «Ոսկե գնդակի» ֆավորիտները 2 Մակրոնը հուսով է, որ Ռուսաստանից Թրամփի դժգոհությունը «մեծածավալ պատժամիջոցների» կհանգեցնի 3 Ուկրաինայից ԵՄ տարածք արտահանվող գյուղատնտեսական արտադրանքից մաքսատուրք պետք է գանձվի 4 Ռուսաստանին բառացիորեն ստիպել են «հատուկ գործողություն» սկսել. Վլադիմիր Պուտին 5