«Յուվենտուս»-ն ինձ բավարար ժամանակ չտվեց․ Մոտա
Թուրինի «Յուվենտուսի» նախկին գլխավոր մարզիչ Տիագո Մոտան դժգոհել է, որ իրեն բավարար ժամանակ չի տրվել, որպեսզի թիմը սկսի արդյունք ցույց տալ։
Հիշեցնենք, որ նրան թուրինյան թիմի մարզչի պաշտոնում փոխարինել է «Յուվենտուսի» նախկին պաշտպան Իգոր Տուդորը։
«Յուվենտուսն» ինձ բավարար ժամանակ չտվեց նախագիծն իրականացնելու համար»,- մասնագետի խոսքերն է մեջբերում լրագրող Ֆաբրիցիո Ռոմանոն։
Մոտան նաև հերքել է այն տեղեկությունը, թե թիմի ֆուտբոլիստները դեմ են եղել իր նախագծին։
