Հայաստանը պետք է ավելի օպերատիվ գործի. «Փաստ»

«Փաստ» օրաթերթը գրում է.

Իրանի ճանապարհների և քաղաքաշինության նախարարի խորհրդական Ամին Տարաֆոն հայտարարել է, որ Իրանն առաջարկել է ՏՐԱՍԵԿԱ ծրագրի շրջանակում ստեղծել Իրան-Ադրբեջան-Վրաստան տարանցիկ միջանցք:

Թեմային անդրադառնալով՝ «Հանրապետության հրապարակ» տելեգրամյան ալիքը նշում է, որ Իրանը ցանկանում է Հայաստանին զուգահեռ այլընտրանքային ելք ունենալ Վրաստան՝ սևծովյան նավահանգիստներ, իսկ Իրան-Ադրբեջան երկաթգիծն ապագայում կարող է միանալ Բաքու-Թբիլիսի-Կարս երկաթգծին և Բաքու-Բաթում, Բաքու-Փոթի առկա ավտոմայրուղիներին և լոգիստիկային. «Այս պահին Իրանն ու Ադրբեջանը կյանքի են կոչում Հյուսիս-Հարավ միջանցքը. երկաթգիծ է կառուցվում, որը ՌԴ-ն Ադրբեջանի տարածքով միացնելու է Իրանին և Պարսից ծոցի իրանական նավահանգիստներին։ Իր հերթին՝ Ադրբեջանը ցանկանում է Իրանի տարածքով ելք ունենալ դեպի Նախիջևան՝շրջանցելով Սյունիքն ու փակ պահելով սահմանն ու բլոկադայի ենթարկելով Հայաստանին։

Իրանը ցանկանում է օգտագործել Ադրբեջանի լոգիստիկ ցանցը դեպի Վրաստան դուրս գալու համար։ Վրաստանն էլ է հետաքրքրված Իրանի հետ կապերի խորացմամբ, իսկ Ադրբեջանն այս պարագայում կրկին դառնում է տարանցիկ միջանցք այս անգամ Իրանի ու Վրաստանի համար։ Բաքուն ցանկանում է Հայաստանին դուրս թողնել լոգիստիկ նախագծերից։ Եթե Հայաստանը Բաքվին չի տրամադրում Զանգեզուրի միջանցքը, ապա հայ-թուրքական և հայադրբեջանական սահմանները շարունակելու են մնալ փակ՝ Հայաստանի բլոկադան շարունակվելու է։

Բաքուն տասնամյակներ շարունակ փակ է պահում հայ-ադրբեջանական սահմանը, իսկ Թուրքիան՝ ի աջակցություն կրտսեր եղբայր Ադրբեջանի՝ փակ է պահում հայ-թուրքական սահմանը։ Տարիներ շարունակ Իլհամ Ալիևը ՀՀ-ն մեկուսացնելու համար ստեղծել է Ադրբեջան-Վրաստան-Թուրքիա էներգետիկ-տրանսպորտային միջանցքը, որը շրջանցում էր թե ՀՀ-ին, թե ՌԴ-ին՝ Կենտրոնական Ասիայի երկրներին թույլ տալով Ադրբեջանի տարանցիկ հզորություններով ելք ունենալ դեպի սևծովյան նավահանգիստներ՝ Եվրոպա և Թուրքիա։

Հայաստանը պետք է ավելի օպերատիվ կերպով կյանքի կոչի Հյուսիս-Հարավ նախագիծն ու դառնա Իրանի կամուրջը դեպի Վրաստան ու ՌԴ, ինչպես նաև ռուսական ապրանքների համար տարանցիկ միջանցք դառնա դեպի Իրանի 80 միլիոնանոց շուկա։

Իրանը ցանկանում է ՀՀ-ի հետ կյանքի կոչել տրանսպորտային-էներգետիկ նախագծեր՝ դրանով նպաստելով հայկական տնտեսության աճին, ինչպես նաև զսպելով թուրքադրբեջանական նկրտումները ՀՀ-ի հանդեպ։ ՀՀ-ն պետք է վերածվի տարանցիկ միջանցքի՝ Հյուսիս-Հարավ ուղղության վրա՝ նոր որակ հաղորդի իր լոգիստիկային, համատեղ նախագծեր կյանքի կոչի հարևան ու բարեկամ Վրաստանի հետ, ինչպես նաև ներգրավի հնդկական, չինական, ռուսական ներդրումներ հայկական տնտեսության մեջ՝ հատկապես ռազմավարական նշանակություն ունեցող Սյունիքի մարզում։

Այսպիսով, Հարավային Կովկասում սրվում է մրցակցությունը լոգիստիկ միջանցքների և տարանցման համար։ Ադրբեջանը ցանկանում է հնարավորինս շատ երկրների համար դառնալ տարանցիկ միջանցք՝ բարձրացնելով իր գեոպոլիտիկ և գեոտնտեսական նշանակությունը Արևմուտքի, Արևելքի, ՌԴ-ի ու Իրանի համար։

Ադրբեջանը ցանկանում է մեկուսացված պահել Հայաստանը՝ թույլ չտալով հայկական տնտեսությանն աճել՝ դրանով նպաստելով ՀՀ-ի հայաթափմանը։

Իրանն ու ՌԴ-ն ցանկանում են ՀՀ-ի հետ կյանքի կոչել Հյուսիս-Հարավ նախագիծը, սակայն դրա համար Երևանը պետք է ավելի օպերատիվ կերպով իրականացնի իր տարածքում լոգիստիկայի շինարարությունն ու ամրապնդի Սյունիքի անվտանգությունը»։

Մանրամասները՝ «Փաստ» օրաթերթի այսօրվա համարում

դիտվել է 0 անգամ
Լրահոս
Հայաստանը մենակ չէ Եվրամիությանն անդամակցելու իր ձգտումներում. Ֆրանսիայի ԱԳ նախարար Թուրքիան մտադիր Է Սիրիայում ռազմաբազաներ ստեղծել․ Türkiye Ռուսաստանին բառացիորեն ստիպել են «հատուկ գործողություն» սկսել. Վլադիմիր Պուտին Ուկրաինայից ԵՄ տարածք արտահանվող գյուղատնտեսական արտադրանքից մաքսատուրք պետք է գանձվի Մակրոնը հուսով է, որ Ռուսաստանից Թրամփի դժգոհությունը «մեծածավալ պատժամիջոցների» կհանգեցնի «Ոսկե գնդակի» ֆավորիտները Նիկոլ Քիդմանը հազվադեպ խոստովանություն է արել դուստրերի մասին Տնտեսության «անիվների» շարժը խոչընդոտող խութերը. «Փաստ» Կատարելագործել են արատավոր այն ամենը, ինչ ժամանակին քննադատում էին. «Փաստ» Վտանգն ավելի խորանալու միտում ունի. «Փաստ» «Սա սարսափելի ու կործանարար օրինագիծ է, փաստացի կոռուպցիան օրինականացվում է». «Փաստ» Բայց ո՞վ էր ձեզ ասել, որ գնում ենք... ԵՄ. «Փաստ» Սեփական վարկաբեկվածությունը՝ հակաքարոզչության «գործիք». «Փաստ» Այս անգամ էլ՝ ավելի քան 5 մլն դիտում. Ռոբերտ Քոչարյանի հրապարակային խոսքի դիտումները շեշտակի աճել են. «Փաստ» Փաշինյանի տեսլականը՝ չզինվել և չդիմադրել Ադրբեջանի ագրեսիային. «Փաստ» Երկրի միջուկում ոսկու հսկայական պաշարներ են թաքնված Արարատում հրդեհ է բռնկվել «Mercedes»-ի շարժիչի հատվածում Ռուսաստանն Օբամայի օրոք ԱՄՆ-ից գnղացել է հիպերձայնային hրթիռների տեխնոլոգիան. Թրամփ Balenciaga-ի եւ Lamborghini-ի ֆուտուրիստական համագործակցությունը. բարձր նորաձեւության եւ սուպերմեքենաների միաձուլում Սպերցյանի «Կրասնոդարը» հաղթեց «Դինամոյին» և պատմության մեջ առաջին անգամ հռչակվեց Ռուսաստանի չեմպիոն Վեհափառը շքանշան է հանձնել Արթուր Գրանցին, ում բարերարությամբ կառուցվել է Մինսկի Սուրբ Գրիգոր Լուսավորիչ եկեղեցին Արագածոտնում բախվել են «Դոմուս» ընկերության բեռնատարն ու «Mitsubishi»-ն․ կան տուժածներ Քիմ Քարդաշյանը 10 դայակից բաղկացած անձնակազմ ունի Վանաձորում մեքենա է այրվել Եղվարդ-Երևան ճանապարհին բախվել են 2 «Mercedes»․ կան տուժածներ
ԱՄԲՈՂՋ ԼՐԱՀՈՍԸ
Ամենաընթերցվածները
Նիկոլ Քիդմանը հազվադեպ խոստովանություն է արել դուստրերի մասին 1 «Ոսկե գնդակի» ֆավորիտները 2 Մակրոնը հուսով է, որ Ռուսաստանից Թրամփի դժգոհությունը «մեծածավալ պատժամիջոցների» կհանգեցնի 3 Ուկրաինայից ԵՄ տարածք արտահանվող գյուղատնտեսական արտադրանքից մաքսատուրք պետք է գանձվի 4 Ռուսաստանին բառացիորեն ստիպել են «հատուկ գործողություն» սկսել. Վլադիմիր Պուտին 5