Ուկրաինայում կոչ են արել չեղարկել «անուղեղ» Վերկա Սերդուչկայի ելույթները՝ ռուսերենով երգերի պատճառով
Ուկրաինացի պրոդյուսեր Իգոր Կոնդրատյուկը մեկնաբանել է Վերկա Սերդուչկա անունով հայտնի արտիստ Անդրեյ Դանիլկոյի կողմից ռուսերենով երգերի կատարումը։ ՏԱՍՍ գործակալությունը ուշադրություն է դարձրել նրա հայտարարությանը։
Ուկրաինական շոուներից մեկի եթերում պրոդյուսերը կոչ է արել «չեղարկել» Դանիլկոյի ելույթները և ասել, որ կատարողը «ուղեղ չունի», գրում է Lenta.ru-ն։
«Ոչ բոլորն ունեն ուղեղ։ Ի՞նչ անել։ Ոչինչ չենք կարող անել։ Բազմապատկեք Վերկա Սերդուչկային և նրա ռուսալեզու երգացանկը զրոյով»,-ասել է Կոնդրատյուկը։
Նրա կարծիքով, երգիչը կարող էր կատարել իր «Դոլչե Գաբանա» հիթը ուկրաիներենով՝ երկու տեղ փոխելով բառերի վերջավորությունները։ Սակայն արտիստը դա չի արել, այդ պատճառով պրոդյուսերը նրան կրկին անուղեղ է անվանել։
«Անդրեյ Դանիլկոն իրեն հավասարեցրել է ազգային փոքրամասնության հետ», - հավելել է Կոնդրատյուկը։
