ԱՄՆ-ն կարագացնի Լուսնի վրա ատոմակայան կառուցելու ծրագիրը
ԱՄՆ-ն կարագացնի Լուսնի վրա ատոմակայան կառուցելու ծրագիրը: Politico-ն՝ հղում անելով փաստաթղթերին, հաղորդում է, որ NASA-ի ժամանակավոր ադմինիստրատոր Շոն Դաֆին նախատեսում է այս շաբաթ հայտարարել ծրագրերի մասին:
Փաստաթղթերը ցույց են տալիս, որ Լուսնի վրա ատոմակայան կառուցող առաջին երկիրը կկարողանա «հայտարարել արգելված գոտի, ինչը զգալիորեն կսահմանափակի Միացյալ Նահանգների հնարավորությունները»: Այս առումով, NASA-ն փնտրում է կապալառու՝ 100 կՎտ հզորությամբ միջուկային ռեակտոր կառուցելու համար, որը տիեզերք կարձակվի մինչև 2030 թվականը: Շոն Դաֆին սա անվանել է «հաղթանակ երկրորդ տիեզերական մրցավազքում»:
Բացի այդ, Միացյալ Նահանգները նաև նախատեսում է արագացնել Միջազգային տիեզերական կայանից հրաժարվելը և այն առևտրային կայաններով փոխարինելը մինչև 2030 թվականը: Մի քանի ընկերություններ, այդ թվում՝ Axiom Space-ը, Vast-ը և Blue Origin-ը, հանդես են եկել այս խնդրանքը բավարարելու առաջարկով:
Հիշեցնենք՝ Հունիսի 12-ին «Ռոսկոսմոսի» գործադիր տնօրեն Բականովը հայտարարեց Լուսնի վրա առաջին ատոմակայան ստեղծելու մասին: Մայիսի 8-ին Չինաստանի ազգային տիեզերական վարչության հետ ստորագրվել է համաձայնագիր՝ հետազոտությունների համար լուսնային ատոմակայան կառուցելու վերաբերյալ:
