Թուրքիայի Գերագույն դատարանն ամուսնալուծության մեջ մեղավոր է ճանաչել տղամարդուն՝ այլ կանանց լուսանկարները սոցցանցերում «հավանելու» համար
Թուրքիայի Գերագույն դատարանը մեղավոր է ճանաչել ամուսնուն ամուսնալուծության մեջ՝ այլ կանանց սոցցանցերում գրառումները հավանելու համար և պարտավորեցրել է նրան նախկին կնոջը վճարել 500,000 լիրա փոխհատուցում և ամսական ալիմենտ, հայտնում է Habertürk հեռուստաալիքը։
Կինը դատական հայց է ներկայացրել Գերագույն դատարան՝ Կայսերիի դատարանում սկզբնապես քննված ամուսնալուծության գործից հետո։ Իր հայցում նա պնդել է, որ ամուսինը համակարգված կերպով նվաստացրել է իրեն, չի հոգացել ընտանիքի կարիքները, անհավատարիմ է եղել և ակտիվորեն հավանել է այլ կանանց գրառումները սոցիալական ցանցերում։ Դատարանը ամուսնու գործողությունները համարել է ամուսնալուծության հիմք՝ իր սեփական մեղքով։
«Գերագույն դատարանը ուժի մեջ է թողել Կայսերիի դատարանի որոշումը և ամուսնուն մեղավոր է ճանաչել ամուսնալուծության մեջ՝ պարտավորեցնելով նրան վճարել 500,000 լիրա՝ որպես փոխհատուցում և ամսական 5000 լիրա՝ որպես ալիմենտ», - հաղորդում է հեռուստաալիքը։
Նշվում է, որ այս դատավճիռը դարձել է նախադեպային որոշում և կարող է ծառայել որպես ուղեցույց նմանատիպ հիմքերով ամուսնալուծության հարցը դիտարկող այլ զույգերի համար։
