Հունաստանը «հրթիռներով փակում է» Էգեյան ծովը, իսկ «թիրախը Թուրքիան է»

Հունաստանի պաշտպանության նախարար Նիկոս Դենդիասը հայտարարել է «Էգեյան ծովը հրթիռներով փակելու» ծրագրի մասին, որի թիրախը Թուրքիան է, գրել է «Թուրքիյե Թուդեյ»-ը։

Պաշտպանության նախարարի խոսքով՝ Աթենքը փոխում է իր պաշտպանական դոկտրինը. Էգեյան ծովը պաշտպանելու համար նավատորմին ապավինելու փոխարեն։ 

Հելլենական Հանրապետությունը na7 նախատեսում է շարժական հրթիռային համակարգեր տեղակայել կղզեխմբի հարյուրավոր, իսկ նրա խոսքով՝ հնարավոր է՝ հազարավոր կղզիների վրա։

«Աքիլեսյան վահան» կոդային անվամբ նախագիծը նախատեսում է զենքի բազմազան շարք՝ հինգ տեսակի հրթիռային համակարգեր, որոնք նախատեսված են ոչ միայն ծովը, այլև դրա օդային տարածքը ծածկելու համար։ Նման ցանցը, ըստ Հունաստանի ղեկավարության, թույլ կտա «փակել Էգեյան ծովը ցամաքից»։

Պատճառը սպառնալիքն է, որը Հունաստանը տեսնում է Թուրքիայի աճող ռազմական ներուժի, մասնավորապես՝ անօդաչու մարտական ​​համակարգերի մեջ։ «Հունաստանը գլոբալ հեռանկարում» միջոցառման ժամանակ ելույթ ունենալով՝ Դենդիասը Թուրքիան անվանել է Աթենքի համար «ամենամեծ սպառնալիքը», չնայած երկու երկրներն էլ ՆԱՏՕ-ի անդամ են 1952 թվականից։

Նախարարի խոսքով՝ պարտականությունները բաժանելու նախկին մարտավարությունը (բանակը - ցամաքի համար, նավատորմը՝ ծովի, իսկ օդուժը՝ օդի) դարձել է անարդյունավետ։ Ժամանակակից պատերազմում անօդաչու թռչող սարքերի և նոր սպառնալիքների դեմ ճկունությունն ու պաշտպանությունը կարևոր են։ Հետևաբար, Հունաստանը մտադիր է իր բանակը պատրաստել «անօդաչու թռչող սարքերի դարաշրջանի» համար՝ ֆրեգատները հագեցնելով հակաօդային համակարգերով (օրինակ՝ «Կենտավրոս» համակարգը) և պահեստազորայինների թիվը հասցնելով 250,000-ի։

Հունաստանը, ըստ լուրերի, նաև պլանավորում է Իտալիայից գնել «Բերգամինի» դասի ֆրեգատներ, որոնք կարող են հրթիռներ արձակել մինչև 1500 կմ հեռավորության վրա, ինչը նրան ռազմավարական հասանելիություն կտա Արևելյան Միջերկրական ծովում։