Իրանում քննարկում են միջnւկային զենքի չտարածման պայմանագրից դուրս գալու հարցը
Իրանի խորհրդարանի ազգային անվտանգության և արտաքին քաղաքականության հանձնաժողովի անդամ Ալաոդդին Բորուջերդին հայտարարել է, որ երկրի համար ժամանակն է դուրս գալ Միջուկային զենքի չտարածման պայմանագրից։ Նրա խոսքերը մեջբերում է Իրանի պետական հեռուստառադիոընկերությունը:
«Մենք չենք ձգտում միջուկային ռումբ ստեղծել, բայց մենք չենք պատրաստվում հետևել խաղի կանոններին և թույլ տալ նրանց ռմբակոծել մեզ»,- ընդգծել է Բորուջերդին։
Միջուկային զենքի չտարածման պայմանագիրը միջազգային բազմակողմ փաստաթուղթ է, որն ուղղված է աշխարհում միջուկային զենքի տարածման կանխմանը։ Ոչ միջուկային երկրներին արգելվում է արտադրել կամ օգնություն փնտրել միջուկային զենք ձեռք բերելու կամ պատրաստելու հարցում, սակայն թույլատրվում է զարգացնել ատոմային տեխնոլոգիաները խաղաղ նպատակներով։ Ընդ որում, պայմանագիրը չի արգելում միջուկային երկրներին միջուկային զենք տեղակայել ոչ միջուկային պետությունների տարածքում։
