Իսրայելական ԱԹՍ-ները hարվածել են Լիբանանի հարավին
Առնվազն երեք լիբանանցի վիրավորվել է Լիբանանի հարավային շրջանների վրա Իսրայելի ռազմաօդային ուժերի անօդաչու թռչող սարքերի հարձակումների հետևանքով։ Այս տվյալները նշված են Լիբանանի կառավարությանն առընթեր արտակարգ իրավիճակների շտաբի ամփոփագրում, որը ստացել է ՏԱՍՍ-ը։
«Իսրայելական անօդաչու սարքերը հարվածներ են հասցրել Յախմուր էշ-Շքիֆ բնակավայրում գտնվող պիկապին և Էլ-Այն շրջանում գտնվող մոտոցիկլետին, ինչի հետևանքով երեք քաղաքացի վիրավորվել է», - նշվում է տեքստում։
Ամփոփագրում հաղորդվում է, որ օրվա առաջին կեսին իսրայելական հրետանու գնդակոծության տակ են հայտնվել Բեյթ Լիֆ, Մարվահեյն, Հոուլա, Էլ-Կանտարա և Էլ-Կուսեյր գյուղերը։ Հրանոթներից կրակ է բացվել նաև Տյուրոսի շրջակայքում գտնվող Վադի-Հասան տեղանքի ուղղությամբ։
Հանրապետության ՆԳՆ տվյալներով՝ ապրիլի 17-ից ի վեր, երբ ուժի մեջ է մտել Լիբանանի հարավում զինադադարը, իսրայելական ուժերը ավելի քան 200 անգամ խախտել են հրադադարի ռեժիմը։ «Հեզբոլլահ» միլիցիայի ջոկատները ի պատասխան ինը անգամ հրթիռներ և անօդաչու սարքեր են արձակել իսրայելական տարածքի ուղղությամբ։
