Իսրայելը 2023 թվականի հոկտեմբերից ի վեր Մերձավոր Արևելքում զբաղեցրել է շուրջ 1,000 քառ. կմ տարածք
Իսրայելը Մերձավոր Արևելքում զբաղեցրել է շուրջ 1,000 քառ. կմ տարածք՝ վարչապետ Բենիամին Նեթանյահուի կառավարության նոր ռազմական ռազմավարության շրջանակներում, որը հաջորդել է 2023 թվականին պաղեստինյան ՀԱՄԱՍ շարժման հարձակմանը։ Այս մասին հայտնում է ՏԱՍՍ-ը՝ հղում անելով Financial Times թերթին։
Պարբերականի հաշվարկներով՝ իսրայելական ուժերի վերահսկողության տակ են անցել տարածքներ Գազայի հատվածում, Հարավային Լիբանանում և Սիրիայում, ինչը կազմում է 1949 թվականի սահմաններում Իսրայելի տարածքի մոտ 5%-ը։
FT-ն նշում է, որ զբաղեցված տարածքների ավելի քան կեսը բաժին է ընկնում Լիբանանի հարավին, որտեղ իսրայելական զորքերը ստեղծել են այսպես կոչված անվտանգության գոտի՝ շիական «Հեզբոլլահ» կազմակերպությանը զսպելու համար։
Տարածքների մնացած մասը գտնվում է Գազայի հատվածում և Սիրիայում։
Թերթի տվյալներով՝ իսրայելական բանակը վերահսկում է Գազայի տարածքի ավելի քան կեսը, ինչպես նաև ստեղծել է լրացուցիչ բուֆերային գոտիներ։ Արդյունքում՝ անկլավի շուրջ 2 միլիոն բնակիչներ կենտրոնացել են հատվածի նախապատերազմյան տարածքի մոտ 40%-ի վրա։
Պարբերականն ընդգծում է, որ Իսրայելի նոր ռազմավարությունն արժանացել է երկրի ներսում ծայրահեղ աջ շրջանակների աջակցությանը, սակայն հանգեցրել է զանգվածային ավերածությունների և Մերձավոր Արևելքում լարվածության աճի։
