Բելառուսը պատրաստ է Կուբայի համար անել այն ամենը, ինչ կարող է. Լուկաշենկո
Մինսկը պատրաստ է Հավանայի համար անել այն ամենը, ինչի ընդունակ է և ինչ թույլ է տալիս իրավիճակը։ Այս մասին հայտարարել է Բելառուսի նախագահ Ալեքսանդր Լուկաշենկոն, հաղորդում է ԲելՏԱ գործակալությունը։
Աստանայում Բարձրագույն եվրասիական տնտեսական խորհրդի նիստի մեկնարկից առաջ Բելառուսի առաջնորդը հանդիպել է Կուբայի փոխնախագահ Սալվադոր Վալդես Մեսայի հետ։
«Մենք քաջատեղյակ ենք, թե ինչ է կատարվում մեր բարեկամ երկրի շուրջ: Մենք պատրաստ ենք Կուբայի համար անել այն ամենը, ինչի ընդունակ ենք և ինչ թույլ է տալիս իրավիճակը։ Համենայն դեպս այն, ինչի շուրջ մենք ձեզ հետ պայմանավորվել ենք, սրբորեն կկատարենք։ Եթե լրացուցիչ առաջարկներ ունենաք, մենք պատրաստ ենք դրանք դիտարկել»,- ասել է Լուկաշենկոն:
Հիշեցնենք, որ Թրամփը բազմիցս հայտարարել է, որ Իրանում պատերազմի ավարտից հետո ցանկանում է անցնել Կուբային:
