Քաղաքական խոհանոցի «ֆիրմային» ուտեստը. «Եթե պարտվեմ, կհեռանամ». «Փաստ»

«Փաստ» օրաթերթը գրում է.

 Քաղաքական խոհանոցում կան ճաշատեսակներ, որոնք պատրաստվում են բացառապես հյուրերի ախորժակը գրգռելու, բայց երբեք սեղանին չդնելու համար։ Դրանցից ամենահայտնին «Եթե պարտվեմ՝ կհեռանամ» «ֆիրմային» ուտեստն է։ Առաջին հայացքից այն թվում է չափազանց ազնիվ և ասպետական՝ կարծես մենամարտի հրավեր, որտեղ մի կողմը սեղանին է դնում իր ամբողջ քաղաքական կապիտալը և ասում. «Ահա կարճ ճանապարհը, եթե ուզում եք ինձանից ազատվել, համեցեք»։

Սակայն քաղաքական փորձառություն ունեցող դիտորդները վաղուց են սովորել կարդալ ոչ թե մենյուի խոշոր տառերը, այլ խոհարարի ձեռքի շարժումները։ Իրականում սա ոչ թե ազնիվ քաղաքական խաղ է, այլ դասական քաղաքական խայծ՝ խնամքով ամրացված հանրաքվեի կարթին։ Հաշվարկը պարզ է, նույնիսկ մանրամասն հաշվարկված. եթե ընդդիմությունը կուլ տա այդ խայծը և մտնի քարոզարշավի մեջ, ապա ակամա կլեգիտիմացնի մի գործընթաց, որի ողջ օրակարգը, հարցադրումները և խաղի կանոնները, քննադատների համոզմամբ, գծված են Երևանի և Բաքվի իշխանական կաբինետներում։ Այդ պահից սկսած՝ հասարակական դժգոհության ամբողջ էներգիան կուղղվի ոչ թե իրական խնդիրների լուծմանը, այլ օտար օրակարգով ձևավորված քվեաթերթիկի «Այո»-ի ու «Ոչ»-ի շուրջ անվերջ բանավեճերին։

Այստեղ, սակայն, առաջանում է մի փոքրիկ, բայց վճռորոշ խոչընդոտ՝ հիշողությունը։ Քաղաքականության մեջ ամենադժվար բանը նույն հնարքը երկրորդ կամ երրորդ անգամ կիրառելն է այնպիսի լսարանի առաջ, որն արդեն անգիր գիտի սցենարի ավարտը։ Երբ տարիներ շարունակ հնչած խոստումների և իրական քայլերի միջև ձևավորվում է մի ամբողջ կիրճ, որտեղ կարելի է էքսկուրսիաներ կազմակերպել «Խոստացվածը և կատարվածը» խորագրով, ցանկացած նոր «վճռական առաջարկ» ընկալվում է խոր թերահավատությամբ։

Ընդդիմադիր դաշտը նայում է այդ կարթին, տեսնում է փայլուն խայծը, բայց միաժամանակ նկատում է նաև թաքնված թելը։ Բոլորն արդեն գիտեն, որ եթե նույնիսկ «Ոչ»-ը հաղթի, խոստացված հրաժարականի փոխարեն միշտ կգտնվի մի նոր, «ստեղծագործական» բացատրություն. պարզվելու է, որ ժողովուրդը պարզապես դեռ պատրաստ չէր այդքան առաջադեմ փոփոխությունների, որ տեքստը խմբագրման կարիք ունի, իսկ իրականում հենց այս պահին երկիրը լքելը կլինի ծայրահեղ անպատասխանատվություն պետության հանդեպ, ուստի պետք է մնալ և «շտկել սխալները»։

Արդյունքում ստացվում է մի զավեշտալի տեսարան. ձկնորսը կանգնած է ափին, ոգևորված թափահարում է կարթը և հրավիրում` «եկե՛ք, սա ձեր շանսն է», մինչդեռ արդեն փորձառության դառը դաս ունեցող քաղաքական հանրույթը հանգիստ հետևում է այդ ներկայացմանը, շրջվում և լողում այլ ուղղությամբ՝ լավ իմանալով, որ այս ջրերում խոսքն ու գործը վաղուց տարբեր ափերում են ապրում։

Մանրամասները՝ «Փաստ» օրաթերթի այսօրվա համարում

դիտվել է 6 անգամ
Լրահոս
Սպերցյանը վնասվածքից հետո վերադարձել է մարզադաշտ և հաղթել Ռոնալդուի ակումբի դեմ խաղում Թեհրանը ներկայացրել է իր ստորգետնյա «հրթիռային քաղաքը» 13-ամյա աղջիկ էր կյանքից հեռացել, էներգետիներ էր խմել. ի՞նչ է հայտնի Ֆիննական ծոցում հրդեհ է բռնկվել ռուսական «Սպարտա II» բեռնանավի վրա Աշխարհաքաղաքական հսկաների Շենժենի բենեֆիսն ու անկայուն աշխարհակարգի խորհրդանշական արտացոլումը. «Փաստ» Ո՞ւմ է բաժին հասնելու առաջին և ամենաուղիղ հարվածը. «Փաստ» «Գուցե իր հույսն արտահերթ ընտրոււթյունների իմաստով հանկարծակիությունն է, որ ընդդիմությունը չկարողանա համախմբվել». «Փաստ» Կոնկրետ քայլերն ու գործողությունները միայն կարող են որևէ բան «ասել». վստահության բացակայությունն ու «հեղափոխության սինդրոմը». «Փաստ» Կկուն կանչե՞ց. որտեղի՞ց են գալիս Փաշինյանի նյարդայնության գրգիռները. «Փաստ» Ուսուցիչների որքա՞ն թափուր հաստիք կա դպրոցներում. «Փաստ» 300 հազար դրամ տուգանք՝ 700 միլիոնանոց «ջեքփոթի» դիմաց. ինչպես են համայնքային բյուջեները վերածվել ընտանեկան բիզնեսի. «Փաստ» Քաղաքական խոհանոցի «ֆիրմային» ուտեստը. «Եթե պարտվեմ, կհեռանամ». «Փաստ» Վարդենյաց լեռնանցքում անձրև է տեղում․ հանրապետության բոլոր ավտոճանապարհները բաց են Մայր Աթոռում տեղի ունեցավ շքանշանների հանձնման արարողություն Լեհաստանի իշխանությունները հայտնել են երկրի տարածքում ռուսական 2 հրթիռի և մեկ ԱԹՍ-ի ընկնելու մասին Վանաձորում բեռնատարը 15-ից ավելի մեքենաներ է ջարդել, վիրավորներից 2-ն անչափահաս են Տարածաշրջանային բախումների եզրին. Արշակ Կարապետյանը՝ անվտանգության մեխանիզմների, 102-րդ ռազմաբազայի և արժանապատիվ պայքարի մասին․ «Փաստ» Թվային դարաշրջանի սրացող «համավարակը». ի՞նչ վտանգներով է հղի էկրանների առջև չափից ավելի երկար ժամանակ անցկացնելը. «Փաստ» Ընդդիմությունը մեծ ռիսկեր է տեսնում, իշխանությունը հակադարձում է. «Փաստ» Խաղաղության պատրանքը և ուժի գործոնն առաջ մղող միջազգային իրավիճակը. «Փաստ» «Փորձում է «շպագատ» իջնել, բայց չի կարողանալու, իսկ արդյունքում միակ տուժողը մեր ժողովուրդն է լինելու». «Փաստ» Հավերժական «համեղ գործընկերները». ինչպես են դառնում իշխանությունների «սիրելին». «Փաստ» Ինչո՞ւ է Հայ առաքելական եկեղեցին գործող իշխանության գլխավոր թիրախը. «Փաստ» Ընդդիմադիրների ամենօրյա «կենցաղը»՝ դատարաններից մինչև կալանավայրեր. ինչպե՞ս սահմանափակել կալանքի համատարած կիրառումը. «Փաստ» Նոր աշխարհակարգի շեմին. ի՞նչ է սպասվում Հայաստանին ազդեցության գոտիների վերաբաժանման պայմաններում. «Փաստ»
Ամենաընթերցվածները