Հայտնի է դարձել Սուխումի կենտրոնում փոխհրաձգության ժամանակ տուժածների վիճակի մասին
Ուրբաթ Սուխումի կենտրոնում փոխհրաձգության ժամանակ վիրավորված 22-ամյա Դոմինիկա Ակիրտավայի վիճակը կրիտիկական է, հայտնում է ՏԱՍՍ-ը՝ վկայակոչելով Սուխումի հանրապետական հիվանդանոցին:
«Աղջիկը նախկինի պես կրիտիկական վիճակում է, նա վերակենդանացման բաժանմունքում է կոմայի մեջ, ճնշումը մշտապես ընկնում է»,- ասել է հիվանդանոցի աշխատակիցը՝ նշելով, որ աղջիկը ստացել է գլխին ծանր գնդակային վիրավորումներ:
Վերջին տեղեկություններով՝ 2 մարդ զոհվել է, 4-ը վիրավորվել ուրբաթ Սուխումի կենտրոնում «Սան Ռեմո» ռեստորանի մոտ տեղի ունեցած փոխհրաձգության հետեւանքով: Ըստ եղած տեղեկությունների՝ զոհվածները «օրենքով գողեր» էին:
Աբխազիայի ՆԳՆ-ն իրականացնում է օպերատիվ-հետախուզական միջոցառումներ կրակողներին պարզելու եւ ձերբակալելու համար, գործում է «Գրավում» պլանը: Աբխազիայի նախագահ Ռաուլ Խաջիմբան տեղի ունեցածի հետ կապված Անվտանգության խորհրդի շտապ նիստ է անցկացրել: Մեքենան, որից կրակել են, ավելի ուշ գտել են այրված Սուխումի երկաթուղային դեպոյի շրջանում:
