«Մենք կիսում ենք պաշտոնական Երևանի դիրքորոշումը». Ռուսաստանի դեսպանատան հայտարարությունը
Հայաստանում Ռուսաստանի դեսպանատունը հանդես է եկել մեկնաբանությամբ՝ Երևանում Գրիբոյեդովի արձանի պղծման կապակցությամբ:
«Մենք կիսում ենք պաշտոնական Երևանի դիրքորոշումը, որը խիստ հստակ նկարագրել է այս տգեղ արարքը՝ կապված հայ ժողովրդի մեծ բարեկամ Գրիբոյեդովի հուշարձանի հետ:
Ենթադրում ենք, որ հայ հասարակության կողմից այս արարքի միաձայն դատապարտումը վկայում է Ռուսաստանի և Հայաստանի եղբայրական, դաշնակցային հարաբերությունների ամրության մասին, որոնք ունեն պատմական խորն արմատներ», - ասվում է հաղորդագրության մեջ:
Նշենք, որ երեկ քաղաքացիական ակտիվիստ Շահեն Հարությունյանն ակցիա էր իրականացրել՝ կարմիր ներկ լցնելով Գրիբոյեդովի արձանի վրա։
