Կորոնավիրուսը դրական է ազդել հայկական թենիսի վրա, հոսքը դեպի մարզաձեւ ավելացել է (ֆոտո)

Թենիսը թերեւս միակ մարզաձեւն էր, որի վրա կորոնավիրուսով պայմանավորված կարանտինը դրական ազդեցություն ունեցավ: Թենիսիստները կարողանում էին մարզվել՝ պահպանելով լավ մարզավիճակ եւ սոցիալական հեռավորություն կորտերում: Հենց սրանով պայմանավորված թենիսի Հայաստանի առաջնության արդյունքները բարձր են, մրցակցությունը՝ մեծ:

Այս մասին NEWS.am Sport-ի թղթակցի հետ զրույցում ասաց թենիսի Հայաստանի առաջնության գլխավոր մրցավար Արսեն Մովսիսյանը:

Սեպտեմբերի 25-ին Երեւանի «In court» թենիսի ակումբում տեղի ունեցավ թենիսի Հայաստանի առաջնության մեծահասակների տղամարդկանց զուգախաղի եզրափակիչները: Հայաստանի չեմպիոն դարձավ Միքայել Ավետիսյան - Հենրիխ Նիկողոսյան զույգը, որը եզրափակիչում 7:5, 6:3 հաշվով հաղթեց Արթուր Սողոյան - Միրո Սարգիսյան զույգին: Երրորդ տեղը զբաղեցրեց Աշոտ Գեւորգյան - Արտաշես Գեւորգյան զույգը։

Հայաստանի առաջնության գլխավոր մրցավարին գոհացնում է Հայաստանի առաջնության արդյունքները: Ըստ նրա, մենախաղում եւ զուգախաղում թեժ պայքար է եղել:

  

«Զուգախաղի եզրափակիչները հետաքրքիր ստացվեցին: Հատկապես լարված էր առաջին տեղի համար պայքարը: Շատ լավ խաղ էր: Առաջին սեթում առաջ էին Սողոյան - Սարգսյան զույգը՝ 5:2 հաշվով: Թեժ պայքարում Ավետիսյան - Նիկողոսյան զույգն առաջ անցավ, հաղթեցին 7:5 հաշվով: Երկրորդ սեթում, արդեն, փոքր-ինչ ավելի հեշտ հաղթանակ տարավ Ավետիսյան-Նիկողոսյան զույգը: Բարձր մակարդակի հոյակապ խաղ էր: Ի դեպ, Ավետիսյան-Նիկողոսյան զույգը տարիքով ավելի մեծ տղաներ են, իսկ զուգախաղում հաղթելուն օգնում է հենց տարիքը, փորձը:

Զուգախաղը շատ է տարբերվում մենախաղից: Ավելի տարիքով խաղացողները կարող են լավ խաղան, քան երիտասարդները: Դա պայմանավորված է մտքով եւ փորձով: Օրինակ՝ Արթուր Սողոյանը դարձավ մենախաղի Հայաստանի չեմպիոն, բայց զուգախաղում պարտվեց, որովհետեւ մրցակիցներն ավելի փորձառու էին, շատ էին իրար հետ խաղացել:

Մենախաղում էլ թեժ պայքար կար: Օրինակ՝ մենախաղի եզրափակիչում Արթուր Սողոյանը հանդիպեց Աշոտ Գեւորգյանին եւ մի փոքր հեշտ հաղթանակի հասավ, քանի որ մրցակիցը հոգնել էր: Այստեղ էլ տարիքը խոսեց Գեւորգյանի դեմ, չկարողացավ մինչեւ վերջ պայքարել: Ընդհանուր առմամբ շատ գոհ ենք թենիսիստների այս տարվա մասնակցությունից: Տարիքային խմբերում մասնակցության քանակն էլ ուրախացնող էր»,- ասաց Արսեն Մովսիսյանը:

Մասնագետը մանրամասնում է, որ կորոնավիրուսի համավարակով պայմանավորված կարանտինի ընթացքում, մյուս մարզադպրոցների փակ լինելու պատճառով, հոսքը դեպի թենիս մեծացել է:

«Կորոնավիրուսն ունեցավ դրական ազդեցություն մեր մարզաձեւի, թենիսիստների վրա: Մյուս բոլոր մարզաձեւերում մարզադպրոցները փակ էին, իսկ մեզ մոտ ավելի ապահով էր, մարզումները շարունակվում էին, հնարավորություն կար մարզվելու՝ պահպանելով սոցիալական հեռավորություն կորտերում: Այստեղ դաշտը շատ մեծ է, առավելագույնը 4 հոգի կարող էին գտնվել դաշտում: Այս ամենով պայմանավորված, հոսքը դեպի թենիս ավելացավ, Հայաստանի առաջնության մասնակիցների թիվը նույնպես աճեց տարբեր տարիքային խմբերում: Կար մեծ մրցակցություն եւ հետաքրքիր պայքար առաջինը լինելու համար»,- նշեց գլխավոր մրցավարը:

Սեպտեմբերի 28-ին տեղի կունենա կանանց զուգախաղի եզրափակիչները, որին մասնակցելու համար Հայաստան է ժամանել  առաջին ռակետ, ազգային հավաքականի առաջատար թենիսիստ Անի Ամիրաղյանը:

Լուսինե Շահբազյան

 

դիտվել է 23 անգամ
Լրահոս
Մենք խնդիր ունենք երկիրն այս վիճակին հասցրածի հետ, մնացածին` ձեռք ենք մեկնում. Միհրան Պողոսյան «Երբ սկսվեց 44֊օրյա պատերազմը` դիմեցի գործող վարչապետին, որպեսզի վերադառնամ և մեկնեմ Արցախ». Միհրան Պողոսյանը` ՀՀ֊ից հեռանալու պատճառների մասին. Pressmedia.am Վեցամյա ավերումներն ու «կկվի կանչելու» ժամանակը. «Փաստ» Ինչո՞ւ են հիմնավորում միշտ այն, ինչը վնասում է Հայաստանի անվտանգության շահերին. «Փաստ» «Կոռուպցիան այսօր իր սարդոստայնով տարածված է ամեն տեղ». «Փաստ» Հասարակության վրա փորձում է վախ ծախել. «Փաստ» Ուղարկում է մարդկանց հետ «խոսելու». «Փաստ» Ինչո՞ւ չի կազմակերպվել Վրաստանի վարչապետի հանդիպումը Կաթողիկոսի հետ. «Փաստ» Էլ ճանապարհ սարքելն ո՞ւմ է պետք. «Փաստ» Քուչակ գյուղի վերջնամասում մեքենաներ են բախվել․ կա զոհ և 6 վիրավոր Արգենտինայի նախագահը հայտարարել է, որ մտադիր է աշխատանքից հեռացնել 70 հազար պետական ​​ծառայողի Առաջիկա օրերին օդի ջերմաստիճանը կբարձրանա Սի Ծինփինն ասել է, թե մարդկության ապագան ինչից է կախված ԱՄՆ-ի նպատակն է, որ Հայաստանն ու Ադրբեջանը հասնեն կայուն և տևական խաղաղության․ Մեթյու Միլլեր Անկում տարադրամի շուկայում․ փոխարժեքն՝ այսօր 4300 տարեկան եգիպտական դամբարան է հայտնաբերվել  Ըստ վերլուծաբանների, Հայաստանի իշխանությունները կշարունակեն տեղի տալ․ «Փաստ» «Բառարաններում չկան համապատասխան բառեր, որ կարողանամ նկարագրել, թե այս ցավն ինչպիսին է». Տիգրան Բաբիկյանն անմահացել է 2022 թ. սեպտեմբերի 13-ին Ջերմուկում՝ պայթեցնելով ձեռքի նռնակը․ «Փաստ» «Միանշանակ ասել, որ մեր հասարակությունն անտարբեր է, սխալ է և թյուր կարծիք է ձևավորում»․ «Փաստ» Մինչ իշխանավորները խորշում ու սարսափում են Արցախ բառից անգամ...․ «Փաստ» «Դեմարկացիայի և դելիմիտացիայի մասով Հայաստանի իշխանությունները բլեֆ են անում, խոսքը հող հանձնելու հերթական ակտի մասին է»․ «Փաստ» Չարագուշակ «մտքեր»՝ Հայաստանի «պատմականացման» մասին. «Փաստ» Նիկոլ Փաշինյանը կընդունի՞ արծվաշենցիներին. «Փաստ» Ինչո՞ւ է Երևանի քաղաքապետարանը հատում ծառերը. գարնանը միայն Թումանյան փողոցում հատվելու է շուրջ 160 ծառ. «Փաստ» «Միայն հարկ վճարելը բավարար չէ». ԶՊՄԿ-ի գործունեության հիմնական բաղադրիչներն են բնապահպանական, սոցիալական և կառավարչական մոտեցումները. «Փաստ»
Ամենաընթերցվածները