Ֆրանսիան ԵՄ-ին կոչ է արել գագաթաժողովում քայլեր ձեռնարկել Թուրքիայի դեմ

Ֆրանսիան անհրաժեշտ է համարում, որ Եվրամիությունն իր առաջիկա գագաթաժողովում գործողություններ ձեռնարկի Թուրքիայի դեմ: Այս մասին հայտարարել է Եվրոպայի եւ արտաքին գործերի նախարար-պատվիրակ Ֆրենկ Ռիեստերը՝ ելույթ ունենալով Ազգային ժողովում (խորհրդարանի ստորին պալատ), ինչպես նաեւ Le Figaro թերթին տված հարցազրույցում, հաղորդում է ՏԱՍՍ-ը:

«Ողջ Եվրոպան այժմ դատապարտում է Թուրքիայի նախագահ Թայիփ Էրդողանի պահվածքը: Անհրաժեշտ է, որ նրա գործողություններին ԵՄ հաջորդ գագաթնաժողովում եվրոպական պատասխան տրվի»,- ասել է Ռիեստերը Le Figaro-ին: Ազգային ժողովում իր ելույթում նա ընդգծել է, որ գագաթաժողովը «պետք է կայացնի այնպիսի որոշումներ, որոնք նրան թույլ կտան ամրապնդել ուժերի հավասարակշռությունը Թուրքիայի հետ` հետագայում իր շահերն ու եվրոպական արժեքները ավելի լավ պաշտպանելու համար»:

Ռիեստերը խորհրդարանի ստորին պալատում իր ելույթի ժամանակ նշել է, որ Էրդողանի ներկայիս գործողությունները «համապատասխանում են իր վարած կուրսին, որն ուղղված է մի շարք հարեւան տարածաշրջանների նկատմամբ Թուրքիայի վերահսկողության ապահովմանը եւ ամրապնդմանը»: «Սա, մասնավորապես, Լիբիա [զենք] մատակարարելու էմբարգոյի խախտման եւ Լեռնային Ղարաբաղում Թուրքիայի գործողությունների շարունակությունն է, որտեղ նա օգնում է վարձկաններ ուղարկել Ադրբեջանին աջակցելու: Սա նաեւ Թուրքիայի ռազմավարության շարունակությունն է արեւելյան Միջերկրական ծովում, որտեղ այս երկիրը ձգտում է գազի արդյունահանում իրականացնել Կիպրոսի եւ Հունաստանի բացառիկ տնտեսական գոտիներում»,- ասել է նա: «Թուրքիայի կուրսի հետ ուղղակիորեն կապված է նաեւ այն փաստը, որ նա չի դատապարտել Կոնֆլան-Սենտ-Օնորինում տեղի ունեցած ահաբեկչությունը»,- ընդգծել է նախարար-պատվիրակը։

Թուրքիայի նախագահ Թայիփ Էրդողանը հոկտեմբերի 24-ին ասել էր, թե Ֆրանսիայի ղեկավար Էմանուել Մակրոնը «հոգեկան խանգարումների բուժման կարիք ունի»: Այսպես Թուրքիայի ղեկավարը արձագանքել էր Ֆրանսիայի նախագահի հայտարարություններին՝ կապված Փարիզի Կոնֆլան-Սենտ-Օնորին արվարձանում տեղի ունեցած ահաբեկչության հետ, որտեղ հոկտեմբերի 16-ին 18-ամյա իսլամիստը կրոնական ատելության հիմքով սպանել էր դպրոցի ուսուցչին: Դեպքից հետո Մակրոնը նախազգուշացրել էր, որ Ֆրանսիայի իշխանությունները «ակտիվ պայքար կսկսեն արմատական գաղափարախոսության կրողների ու նրանց ստեղծած ասոցիացիաների դեմ»: Ավելի ուշ Էրդողանը կոչ էր արել իր քաղաքացիներին բոյկոտել ֆրանսիական ապրանքները:

դիտվել է 41 անգամ
Լրահոս
«Կառավարության յուրաքանչյուր որոշում կարծես ուղղված լինի ինչ-որ մեկի գրպանը լցնելուն, ոչ թե հանրային խնդիր լուծելուն». «Փաստ» Ո՞րն է «դարակազմիկ» նախագծի առանցքային նպատակը. «Փաստ» «Արևմուտքի հետ հույս կապելու կամ աշխարհաքաղաքական վեկտորի փոփոխություն անելու որոշումն ադեկվատ չէ». «Փաստ» Թևերի տակ դրված եվրա... բարձ. «Փաստ» Բնակիչների հետ հանդիպում, որպես այդպիսին, չի եղել. ի՞նչ են ասել Փաշինյանին Նոյեմբերյանում. «Փաստ» Իբր փողի խնդիր չկա, բայց գնում են թե՛ գների, թե՛ հարկերի դրույքաչափի բարձրացման ճանապարհով. «Փաստ» Ռուսական և ամերիկյան քաղաքական շրջանակները՝ «Միասնություն» շարժման հավաքին. «Փաստ» Որևէ պաշտոնյա իրավասու չէ միանձնյա որոշել, թե որն է ՀՀ տարածքը. ի՞նչ էր անում «Հայաքվեն» վտանգված գյուղերում. «Փաստ» Վրաստանի տասնյակ քաղաքացիներ, որոնք փորձել են Մեքսիկայով հատել ԱՄՆ սահմանը, հայտնվել են տեղի կարտելի գերության մեջ Մեկնարկել է ՆԱՏՕ-ի գլխավոր քարտուղարի այցը Վրաստան Վթար՝ Երևանում. Աջափնյակի դատարանի հարևանությամբ բախվել են Nissan-ն ու Mitsubishi-ն ՀՀ որոշ մարզերում սպասվում են ձյան առատ տեղումներ, առանձին հատվածներում բուք, ցածր հորիզոնական տեսանելիություն Կիևը մտադիր չէ երկարաձգել Ռուսաստանի հետ գազի տարանցման պայմանագիր Ջուր չի լինի Գրեթե հինգ ամսվա ընթացքում Հայաստանը լքել և չի վերադարձել ավելի քան 7,800 արցախցի Ստեփանծմինդա-Լարս ավտոճանապարհը կրկին փակ է բեռնատարների համար «Սուրենը երազներում պատվիրել է՝ մորս ասեք, թող մեջքն ուղղի, թող լաց չլինի. փորձում եմ այդպես ապրել». Սուրեն Եսայանն անմահացել է հոկտեմբերի 10-ին Հադրութում. «Փաստ» «Ողբալի պատկեր. միջինացնելով ու թվեր բազմապատկելով՝ հարց չի լուծվում». «Փաստ» Բա էլ ժամանակ կունենա՞ն իրենց իրական գործով զբաղվելու. «Փաստ» «Սա Հայաստանին, հայ ժողովրդին սիրաշահելու, հույսեր ներշնչելու, հակառուսականությունն ավելի գեղեցիկ փաթեթավորելու և ներկայացնելու համար է». «Փաստ» ԻԴԵԱԼ համակարգի նորաբաց խանութ-սրահը Երևանի Մալաթիա-Սեբաստիա վարչական շրջանում. «Փաստ» ՀՀ-ում գործող հակառուսական «կենտրոններին» նոր հանձնարարական է իջել. «Փաստ» Երևանում սպասվում է աննախադեպ համաժողով. ո՞վ է կանգնած դրա թիկունքում. «Փաստ» Բնապահպանական կառավարման արդիականացման ի՞նչ նոր համակարգեր են առաջիկա ամիսներին տեղադրվելու ԶՊՄԿ-ում. «Փաստ» Մարսելում բացվել է Սողոմոն Թեհլերյանի հուշարձանը
Ամենաընթերցվածները