ՀՀԿ-ն ապացուցել է, որ լուրջ կառույց է. Էդուարդ Շարմազանով

Աժ նախկին փոխնախագահ Էդուարդ Շարմազանովը ArmLur.am-ի հետ զրույցում հայտարարեց, որ իրենց հանրահավաքային պայքարը արդյունք տալու է: Մենք փորձել ենք Շարմազանովից պարզել, թե ինչ քայլեր են պատրաստվում իրականացնել:

-Պարո՛ն Շարմազանով, ըստ Ձեզ վերջին հանրահավաքն արդյոք ստիպելու է ՀՀ իշխանություններին եւ ՀՀ վարչապետ Նիկոլ Փաշինյանին հրաժարական ներկայացնել:

-Նախ առաջինը, ես երբեք այն կարծիքին չեմ եղել, որ մեկ հանրահավաքով այս կապիտուլյանտը պետք է հեռանա իշխանությունից: Մենք տեսանք, որ եթե նա ունենար քաղաքական պատասխանատվություն, ինչի մասին ինքը խոսում է, բայց իրականում չուներ, պետք է, հենց, նոյեմբերի 9-ին հրաժարական ներկայացներ, ներողություն խնդրեր ժողովրդից եւ հեռանար, որովհետեւ ինքն է եղել այս պարտության պատճառը, ինքն է 44 օր խաբել ժողովրդին, ինչքը , որպես գերագույն հրամանատար՝ ինչպես ինքն է իրեն հռչակել, չի կարողացել կազմակերպել մոբիլիզացիան, եւ առհասարակ՝ պետությունը ռազմական ռելսերի վրա դնելը: Ինքն է ժողովրդից ծածուկ, թաքուն, հակառակ իր տված հրամանին, գնացել եւ Ալիեւի հետ նման նվաստացուցիչ արձանագրություն կնքել, ավելին՝ հունվարի 11-ին էլ նա ապացուցեց, որ ինքն էլ ի զօրու չէ պաշտպանել հայ ժողովրդի անվտանգությունը եւ դարձել է Ալիեւի եւ Էրդողանի կամակատարը: Բայց, երբեք իլուզիաներ չեմ ունեցել, որ այս մարդ, որը աշխարհում ամենաշատը սիրում է պաշտոնն ու աթոռը, 1-2 հանրահավաքից հետո պետք է գնա:

-Հայտարարվեց, որ շարունակելու եք անհնազանդության ակցիաներ, փողոցներ փակել, արդյոք այս ամենն օգնելո՞ւ է հասնել հրաժարականի, քանի որ անցած նմանատիպ քայլերը, որեւէ կերպ չօգնեցին հասնել ձեր նպատակին:

-Համոզված եմ, որ ճնշումը պետք է ավելանա, եւ նախորդ հանրահավաքն էլ ուներ մի կարեւոր ցուցիչ. սրա ուսապարկերը եւ անձամբ ինքն ու իր ֆեյքաֆերման հայտարարում էին, թե մարել է ըմբոստությունը, դժգոհությունը, մարել է ընդդիմության ալիքը եւ 17 քաղաքական կուսակցություններn այլեւս հեղինակություն չունեն, մենք տեսանք, որ վերջին հանրահավաքը, թերեւս, ամենաբազմամարդն էր՝ նույնիսկ այդպիսի ոչ բարենապաստ եղանակային պայմաններում: Եվ եւս մեկ անգամ սա ցույց տվեց, որ Նիկոլ Փաշինյանի հրաժարականը միակ ու ամենագլխավոր քաղաքական օրակարգն է, որ հուզում է հայ ժողովրդի մեծամասնությանը:

-Արդյոք լիդերների կողմից որոշվե՞լ է, որ ՀՀԿ-ականները ելույթներ չեն ունենալու հարթակներից, քանի որ կուսակցության վարկանիշը ՀՀ-ում ցածր է:

-Չեմ կարծում, որ հիմա ժամանակն է վարկանիշակռիվ անել: Հիմա հայրենիքի փրկության խնդիր է: Երբ սա կհեռանա իշխանությունից, այն ժամանակ հանգիստ, ընտրությունների միջոցով կերեւա, թե ով ինչքան ձայն ունի, ով ինչքան ձայն չունի: Եթե որոշ մարդիկ այսօր վարկանիշացավով են տառապած, մեզ համար էականը ոչ թե կուսակցամոլությունն է, ոչ թե մեր վրա վերմակը քաշելն է, այլ ազգային, համազգային խնդիրներ լուծելն է: Այսօր ոչ թե քաղաքական պայքար է, այսօր արցախյան շարժում-2 է, որտեղ կա մեկ օրակարգ, որն այս ազգադավ իշխանությունից օր առաջ ազատվելն է: Հետո կգա ժամանակը՝ ով ինչքան ձայն ունի, կերեւա: Միայն մի բան ասեմ, եթե Հանրապետական կուսակցությունը 2018թ. ապագա կապիտուլյանտի կողմից կազկակերպված խայտառակ, ատելության ու վախի մթնոլորտում տեղի ունեցած ընտրություններում 4-րդ տեղն է գրավել եւ ստացել պաշտոնական տվյալներով 60,000 ձայն, ապա ասեմ, որ այսօր մեր համախոհների թիվը մի քանի անգամ ավել է: Երեք տարվա ընթացքում Հանրապետական կուսակցությունը ապացուցեց, որ ինքը ամենասկզբունքային եւ ամենալուրջ կառույցներ ունեցող քաղաքական կուսակցություններից մեկն է: Բայց կրկնում եմ, որ 11 կուսակցություն է մասնակցել, ու նույնիսկ սրա օրոք մենք 4-րդ տեղն ենք գրավել: Ավելին, եթե 3 տարի է բոլորը խոսում են «Հանրապետականից», նշանակում է «Հանրապետական»-ն իր տեղն ու դերը քաղաքական դաշտում ունի եւ ունենալու է: Իսկ երբ սա կհեռանա, կլինեն նորմալ կազմամերպված, ժողովրդավարական ընտրություններ, այն ժամանակ կտեսնենք՝ ով ինչ ունի:

-Ինչպե՞ս եք պատկերացնում Ձեր հետագա անելիքները՝ առաջիկայում արդյունք ունենալու համար:

Այսօր «Հանրապետական»-ի միակ օրակարգն է համախմբվել ազգային ուժերի հետ ու հասնել ապազգային ու հողատու վարչապետ կոչվածի հրաժարականին:

Սոնա Գրիգորյան

դիտվել է 0 անգամ
Լրահոս
Ու՞մ է ձեռնտու այս ծանրագույն իրավիճակում խայտառակ կերպով լարել իրավիճակը մեր և Ռուսաստանի միջև. Արման Աբովյան Փաշինյանի աջակիցը հայհոյանքներով հարձակվել է Yerkir.am-ի թղթակցի վրա Յո՞ երթաս, ապիկար իշխանություն. (տեսանյութ) «Հիշիր, կապիտուլյանտ. քո հետևից գալու են». Արմեն Աշոտյան Երևանում կառուցվում է աշխարհի ամենաարագ ինտերնետ ցանցերից մեկը Փաշինյանը հերթական անգամ ստել է Կասեցվել են հացի և գազավորված ըմպելիքի արտադրությունների գործունեությունը Եգիպտացորենի դաշտի տակ ֆերմերը հայտնաբերեց հսկա մի բան.այն ինչ գտան այնտեղ սարսափելի էր Տեսեք, թե ում է նման Շուշաննա Թովմասյանի որդին Հայկ Պետրոսյանի և ընտրյալի սիրառատ լուսանկարները Արփի Գաբրիելյանի որդու հետ արտառոց դեպք է պատահել Արփիի ու Միհրանի որդին արդեն մեծ մարդուկ է․ տեսեք՝ քանի ատամիկ ունի արդեն նա Անթույլատրելի և անընդունելի եմ համարում բռնության կիրառումը լրագրողների նկատմամբ. Իվետա Տոնոյան Սա տեսնել է պետք․ Գոհար Ավետիսյանը կով է կթում ու հավերի ձուն հավաքում Ռուսաստանից արձագանքել են «Իսկանդերի» մասին Նիկոլ Փաշինյանի աղմկահարույց հայտարարությանը Յո՞ երթաս, ապիկար իշխանություն Իննա Դաբաղյանի ու դստեր զբոսանքը Գոհար Ավետիսյանի հետ 4-ամյա այս տղան անհետացել էր երկաթուղային կայարանում.25 տարի անց այս պատմությունը ցցեց աշխարհը Կա իշխանություն, կա ընդդիմություն և կա ընդդիմադիր Ալյանս «Հայրենիք» զորախմբի անդամների կողմից դասալքության դեպքեր չեն հայտնաբերվել.դատախազությունը հերքել է Փաշինյանին Ձկներին հետքրքիր օր է սպասվում.փետրվարի 24-ի աստղագուշակ «Ռազմագերիներին Ալիևի քմահաճույքին թողած ստահակը փաստացի խոստովանեց, որ մեր տղաներին պատանդ է թողել Ադրբեջանում». Արմեն Աշոտյան Դեպի զարգացում գնալու հրամայականը մեկն է՝ Նիկոլ Փաշինյանի հրաժարականը. Արման Վարդանյան (տեսանյութ) «Հողատու կապիտուլյանտը շաքարի աննախադեպ բարձրացում ունի վերջին հանրահավաքից հետո». Էդուարդ Շարմազանով Գնաճը առաջիկայում միանշանակ կպահպանվի. Նաիրի Սարգսյան
Ամենաընթերցվածները