Տեսեք, թե որքան Է գեղեցկացել և անճանաչելիորեն փոխվել «Որբեր»-Ի Աննան

Փոքրիկ Աննային շատերը կհիշեն «Որբերը» հեռուստասերիալից: Տարիներ առաջ նա եւ եւս մի քանի փոքրիկներ գրավեցին շատերի ուշադրությունն ու հարազատ դարձան: Շուրջ 9 տարի է անցել այդ հեռուստասերիալից, այսօր 17-ամյա Աննան մեծացել է ու կրկին էկրաններին է:

Life.panorama.am-ը զրուցել է Աննա Սարգսյանի հետ, ով նկարահանվել է «Երանի» հեռուստասերիալում: Նրա հետ խոսել ենք ոչ միայն նոր կերպարի, այլեւ երկարատեւ դադարի, մասնագիտության ընտրության ու «Որբերի» հերոսների հետ ընկերության մասին:

«Որբերը» բավականին բուռն ընդունվեց: Մեզ ճանաչում էին փողոցում ամեն քայլափոխի, սիրում էին ու դա շատ հաճելի էր: Իհարկե, նման արձագանքից հետո դադար էր պետք, որպեսզի թե ես, թե հեռուստադիտողը հանգստանայինք, բացի այդ, ընթացքում եկավ մի տարիք, երբ ոչ շատ փոքր ես, ոչ՝ շատ մեծ, արդյունքում պետք էր մի փոքր սպասել: Եվ հիմա, երբ արտաքինս թույլ է տալիս կերտել որոշ իմաստով հասուն աղջկա, վստահ քայլերով վերադարձա էկրաններ, ինչի համար շատ ուրախ եմ, քանի որ ինձ այլ ոլորտում չեմ պատկերացնում»,- նշեց Աննան ու խոսեց նոր կերպարի մասին.

««Երանի» հեռուստասերիալում նկարահանվելու առաջարկը ստացա ռեժիսորից ու սիրով համաձայնեցի, քանի որ դադարը իսկապես շատ երկար էր, իսկ ես շատ եմ սիրում այս աշխատանքը, նաեւ հերոսուհին էր իր տեսակով ինձ հարազատ: Այստեղ մարմնավորում եմ մի աղջկա, ում մայրը տարիներ շարունակ տեղափոխել է մի երկրից մյուսը: Նա չի շփվել իր հարազատների հետ, ընկերներ եւս չի ունեցել եւ միայն մոր հետ է շփվել: Այս աղջիկը, գալով Հայաստան, սկզբում բարդությներ ուներ իր հարազատների հետ շփման հարցում, բայց հիմա արդեն մտերմացել է եղբոր հետ ու ապրում է իր բնականոն կյանքով: Հիմա հեռուստասերիալում տեսանելի է նաեւ հերոսուհուս դրական կողմերը»:

Աննան դեռեւս սովորում է դպրոցում, նա մասնագիտության ընտրության հարցում դեռեւս վերջնական որոշում չի կայացրել.

«Սովորում եմ 10-րդ դասարանում ու դեռ չեմ շտապում մասնագիտության ընտրության հարցում: Մտքերս խառն են, մեկ մտածում եմ իրավաբանի մասնագիտությունը ընտրել, մեկ ավելի շատ ուզում եմ ընդունվել Կինոյ եւ թատրոնի պետական ինստիտուտ: Ամեն դեպքում գիտակցում եմ, որ եթե ընտրեմ իրավաբանի կամ մեկ այլ մասնագիտություն, ապա դերասանի աշխատանքով հազիվ թե հասցնեմ շատ զբաղվել: Կարծում եմ՝ դեռեւս ժամանակ ունեմ վերջնականապես հասկանալու համար: Իսկ մինչ այդ զբաղվում եմ ձիավարությամբ, ինչն իմ ամենասիրելի հոբբին է»,- նշեց նա:

Աննան ընդամենը 15 տարեկան է, բայց շատ ավելի հասուն է իր մտածելակերպով ու արտաքինով: Այս փաստը դերասանուհին կապում է մանկուց նկարահանումների մասնակցելու հետ.

«Ամեն ինչ եկավ այն փաստից, որ շատ փոքրուց սկսեցի նկարահանվել: Ես չունեցա մանկական բակային խաղեր, փոխարենը 7 տարեկանում սկսեցի շփվել ինձնից բավականին մեծերի հետ, հասկանալ, որ պետք է խաղալ, ապրումներ ցույց տալ, ընդհուպ մինչեւ արտասվել տեսախցիկի առաջ:  «Որբերում» մենք շատ ծանր գրաֆիկով էինք աշխատում, ու այդ ամենը կարողացավ մեծ ազդեցություն ունենալ իմ մտածելակերպի վրա:  Ինչ վերաբերվում է արտաքինին, դա արդեն տեսակի խնդիր է: Այո, ես մեծ եմ երեւում իմ տարիքից, բայց շատ հաճախ դա դիմահարդարման արդյունքն է, իսկ առօրյայում ես շատ քիչ եմ շպարվում»,- նշեց նա:

Անդրադառնալով «Որբերը» հեռուստասերիալի շրջանակում ձեռք բերած ընկերներին՝ Աննան պատմեց.

«Գխավոր հինգ հերոսներով հեռուստասերիալի ավարտից հետո մի օր անգամ չենք դադարել շփվել իրար հետ: Մինչ օրս մենք մտերիմ ենք, շատ ավելի հաճախ հանդիպում ենք Սոֆիի եւ Մանանի հետ: Մեր տղաներից Վահագնը նոր է վերադարձել ծառայությունից, իսկ Ջոնին դեռ շարունակում է ծառայել Հայոց բանակում:

Այս  հարցում կարող եմ իսկապես գլուխ գովել, քիչ է պատահում, բայց մեր ընկերությունը իրոք իսկական է. մենք պարբերաբար պետք է տեղեկանանք միմյանցից, մտահոգվենք միմյանց խնդիրներով ու ուրախանանք նոր հաջողություններով»:

դիտվել է 52 անգամ
Լրահոս
Բանգլադեշի հայկական դատարկ եկեղեցու վերջին ծխականը Գիտնականներն ապացուցել են կապը կարմիր մսի օգտագործման եւ քաղցկեղի միջեւ Արոնյանը 5-րդն է Փարիզի արագ շախմատի մրցաշարում Բանկերը վարկեր կտրամադրեն 2 տոկոսով և կզրոյացվեն հին վարկերի տոկոսները Հունիսի 23-ին ժամը 12:00-ին տեղի կունենա «Հայրենիք» կուսակցության նախագահ Արթուր Վանեցյանի մամլո ասուլիսը 70-ից ավելի ընտրատեղամասերում վերահաշվարկ տեղի կունենա Ռուսաստանը վերսկսում է ավիահաղորդակցությունը Թուրքիայի հետ «Բարգավաճ Հայաստան» կուսակցությունն այսուհետ ևս անելու է հնարավոր ամեն բան մեր երկրում հետպատերազմյան ճգնաժամը հաղթահարելու համար Վթար՝ Ծովագյուղ-Շորժա-Վարդենիս ավտոճանապարհին. մեկ տարեկան երեխա է մահացել /լուսանկարներ/ Հայ մարտիկը առաջին ռաունդում հաղթել է թուրքին, որը խոստացել էր գլուխը կոտրել Որքան գումար է ծախսել ԱՆ-ն կորոնավիրուսի կանխարգելման համար հունվարից մինչև հունիսի 1-ն ՀԷՑ-ը «Վեոլիա Ջուր»-ին խնդրում է այսուհետ հանրությանն առավել ճշգրիտ տեղեկատվություն տրամադրել Հայաստանի դեմոկրատական կուսակցությունը չի ընդունում ընտրությունների արդյունքները Շտապեմ հիասթափացնել բոլոր նրանց, ովքեր հույսեր ունեն, որ ԲՀԿ-ն կքաշվի մի կողմ և կնվազեցնի իր ջանքերը հանուն մեր Հայրենիքի. Արման Աբովյան Ընտրություններն ամրագրեցին ընտրատեղամասեր եկողների կամքը, բայց ոչ` հայ հասարակության տրամադրություններն ու նկրտումները․ Արա Աբրամյան Խաչիկ Ասրյանը ճիշտ էր․ խորհրդարանական ընտրությունները նոր արհավիրք են դառնալու ԿԸՀ-ն ներկայացրել է Հայաստանի ընտրությունների ամենանախնական արդյունքները (ֆոտո) Ամփոփվել են 168 տեղամասի արդյունքները ՀԷՑ-ը՝ համատարած հոսանքազրկումների մասին Եվրո-2020․ Իտալիան ուժեղ էր Ուելսից, Շվեյցարիան՝ թուրքերից (ֆոտո, վիդեո) Ծեծկռտուք Աջափնյակի 6/18 ընտրատեղամասում /տեսանյութ/ Դանիել Իոնիսյանի կողմից քվեատուփի կապարակնիքը պոկելու դեպքն արձանագրվել է «Մեր տունը Հայաստանն է» կուսակցության թեկնածուների կողմից Բազմաթիվ տեղամասերում ԲՀԿ-ն բացարձակ առաջատար է 20։30-ի դրությամբ ոստիկանության «Թեժ գիծ» ստացվել է 87 ահազանգ
Ամենաընթերցվածները