Թող շատ չհուզվեն, ամեն ինչ հաշվարկված է․ Մելքումյանը՝ մինչև 3 մլն դրամի վարկից ազատելու առաջարկի քննադատներին

ԲՀԿ առաջնորդ Գագիկ Ծառուկյանը կուսակցությանն անդամագրվել ցանկացող երիտասարդների հետ հանդիպմանը հայտարարել էր, որ Հայաստանում 2 միլիոն 200 հազար մարդ վարկ ունի։ «Մեր ծրագրով 2 մլն մարդ ազատվելու է մինչև 3 մլն դրամի վարկից։ Մարդը չպետք է կորցնի իր տունը, ունեցվածքը, հողը»,-ասել էր Ծառուկյանը։ Վերջինիս հայտարարությանն արձագանքել էին որոշ տնտեսագետներ, նշելով, թե խնդրին նման մոտեցումը պոպուլիստական է, ոչ մասնագիտական, ոչ իրավական և ոտնահարում է ՀՀ մյուս քաղաքացիների իրավունքները։

ԱԺ ԲՀԿ խմբակցության պատգամավոր, տնտեսագետ Միքայել Մելքումյանն Irakanum.am-ի հետ զրույցում անդրադառնալով այս տեսակետներին, ասաց, թե դրանք մանիպուլյատիվ են և իրականության հետ աղերս չունեն։ «Մինչև այդ որոշումը կայացնելն ու դրա մասին հայտարարելը, պարոն Ծառուկյանի կողմից, մենք բազմակողմանի և մասնագիտական բարձր մակարդակով քննարկումներ ենք ունեցել և միանգամից չէ, որ որոշում է կայացվել։ Եղել են տարբեր հաշվարկներ, տարբեր փուլերի իրողություններ, մենք ունենք ամբողջ պորտֆելը»,- ասաց Մելքումյանը, հավելելով, որ Հայաստանում ներկա դրությամբ կա շուրջ չորս տրիլիոն դրամի ընդհանուր վարկ, որի մեջ այն վարկերը, որոնք սոցիալական ուղղվածության են՝ առաջարկել են մարել։ «Կան նաեւ գյուղատնտեսական վարկեր, բացի այդ խոսքը գնում է վարկերի մասին։Ինչ վերաբերում է այդ տնտեսագետներին, ապա նրանք  լիակատար հաշվարկներ չունեն, որովհտեւ այն թվերը, որոնք հրապարակվում են նրանց կողմից, արդեն իսկ ցույց է տալիս, որ իրանց իմացած թվերը հեռու է նրանից, ինչ-որ կա։ Երկրորդ, ինչ վերաբերում է նրան, թե ինչ հիմքով ենք մենք դա հայտարարում։ Նախ և առաջ, պետք է հասկանալ, որ մարդիկ երբ որ վարկեր են վերցնում, ենթադրվում է, որ այդ վարկերը պետք է ծախսվեն, կամ ՓՄՁ-ների մեջ իրացնեն, երբ, որ կլինեն ադեկվատ միջավայր»,- նշեց ԲՀԿ-ական պատգամավորը, հավելելով, որ միտքը վերաբերում է նրան, որ վարկ վերցրած մարդը պետք է համոզված լինի, որ շարունակելու է իր աշխատանքը, ստանա՝ աշխատավարձ։ «Բայց երբ որ կա համաճարակ, պատերազմ և այդ քիչ թե շատ նվազագույն պայմանները  ըստ էության գոյության չունեն և վարկ վերցրած մարդու եկամուտ ստանալու տարբերակները բացառված են, ապա նա հայտնվում է անելանելի վիճակում»,- ասաց Մելքումյանը։

Նրա խոսքով՝ պետությունը պետք է տեր կանգնի նման քաղաքացիներին։ Պատգամավորը խորհուրդ է տալիս այս առաջարկությունը քննադատողներին չանհնսգատանալ, քանի որ այս ամենը տեղավորվում է նոր տնտեսական քաղաքականության շրջանակներում։ «Բանկերը, երբ որ վարկ են տալիս, պետք է ամեն մի վարկառուի հետեւից հստակ մեխանիզմով գնան, տեսնեն ինչ է անում, որ պայմաններում ինչ է լինում։ Օրինակ եթե մեր մոտ առաջացել է ֆորսմաժոր, պետությունը պետք է իր քաղաքացիներին տեր կանգնի»,- ասաց նա։

Հարցին, թե որտեղից է այդ գումարները տրամադրվելու, Մելքումյանն ասաց, որ այդ մասին հստակ կխոսեն նախընտրական քարոզարշավի ժամանակ։ «Այնպես, որ թող շատ չհուզվեն այդ տնտեսագետները, ամեն  ինչ հաշվարկված է, իր հիմքերն ունի»,- ասաց ԲՀԿ խմբակցության պատգամավորը։

Ինչ վերաբերում է մեր այն դիտարկմանը, թե սա որակվում է որպես ընտրակաշառքի ձև։ Մելքումյանն ասաց, որ նման բան չկա։Նա օրինակ է բերում, երբ որ տարբեր փուլերում հարկային համաներում է հայտարարվում, որևէ բանկային համակարգ չի տուժում։ «Մենք ասում ենք որ այս ամենը նոր տնտեսական քաղաքականության շրջանակներում է լինելու։ Այնպես, որ բացարձակ մերժում եմ որ դա դիտվի որպես ընտրակաշառք»,- եզրափակեց Միքայել Մելքումյանը։

Irakanum.am

դիտվել է 0 անգամ
Լրահոս
Քաղաքապետարանը՝ ոստիկանության օգնությամբ ջարդ ու փշուր է անում մարդկանց սեփականությունը. Րաֆֆի Ասլանյան (տեսանյութ) Հայաստանում ֆրանսերենի ուսուցիչների երկրորդ համաժողովին մասնակցել է շուրջ 100 մանկավարժ Գազ չի լինելու Բանգլադեշի հայկական դատարկ եկեղեցու վերջին ծխականը Գիտնականներն ապացուցել են կապը կարմիր մսի օգտագործման եւ քաղցկեղի միջեւ Արոնյանը 5-րդն է Փարիզի արագ շախմատի մրցաշարում Բանկերը վարկեր կտրամադրեն 2 տոկոսով և կզրոյացվեն հին վարկերի տոկոսները Հունիսի 23-ին ժամը 12:00-ին տեղի կունենա «Հայրենիք» կուսակցության նախագահ Արթուր Վանեցյանի մամլո ասուլիսը 70-ից ավելի ընտրատեղամասերում վերահաշվարկ տեղի կունենա Ռուսաստանը վերսկսում է ավիահաղորդակցությունը Թուրքիայի հետ «Բարգավաճ Հայաստան» կուսակցությունն այսուհետ ևս անելու է հնարավոր ամեն բան մեր երկրում հետպատերազմյան ճգնաժամը հաղթահարելու համար Վթար՝ Ծովագյուղ-Շորժա-Վարդենիս ավտոճանապարհին. մեկ տարեկան երեխա է մահացել /լուսանկարներ/ Հայ մարտիկը առաջին ռաունդում հաղթել է թուրքին, որը խոստացել էր գլուխը կոտրել Որքան գումար է ծախսել ԱՆ-ն կորոնավիրուսի կանխարգելման համար հունվարից մինչև հունիսի 1-ն ՀԷՑ-ը «Վեոլիա Ջուր»-ին խնդրում է այսուհետ հանրությանն առավել ճշգրիտ տեղեկատվություն տրամադրել Հայաստանի դեմոկրատական կուսակցությունը չի ընդունում ընտրությունների արդյունքները Շտապեմ հիասթափացնել բոլոր նրանց, ովքեր հույսեր ունեն, որ ԲՀԿ-ն կքաշվի մի կողմ և կնվազեցնի իր ջանքերը հանուն մեր Հայրենիքի. Արման Աբովյան Ընտրություններն ամրագրեցին ընտրատեղամասեր եկողների կամքը, բայց ոչ` հայ հասարակության տրամադրություններն ու նկրտումները․ Արա Աբրամյան Խաչիկ Ասրյանը ճիշտ էր․ խորհրդարանական ընտրությունները նոր արհավիրք են դառնալու ԿԸՀ-ն ներկայացրել է Հայաստանի ընտրությունների ամենանախնական արդյունքները (ֆոտո) Ամփոփվել են 168 տեղամասի արդյունքները ՀԷՑ-ը՝ համատարած հոսանքազրկումների մասին
Ամենաընթերցվածները