Հայաստանին Ազգային-Քրիստոնյա իշխանություն է պետք ցնցումներից խուսափելու համար

Հայաստանի խորհրդարանն այսօր ինքնալուծարվելու է, և երկիրը կմտնի նախընտրական քարոզարշավի փուլ, քաղաքական ուժերը մենակ կամ դաշինքով կսկսեն պատրաստվել հունիսի 20-ի քվեարկությանը։ Արդեն իսկ տասնյակ քաղաքական ուժեր հայտարարել են տարբեր դաշինքների ստեղծման մասին, սակայն առայժմ չի ստեղծվել մաքուր ազգայնական գաղափարներ կրող դաշինք, որի անհրաժեշտությունը, ընդունեք, որ իսկապես կա։

Մեր տեղեկություններով՝ շուտով սկսվելու է նման դաշինքի ստեղծման գործընթաց՝ «Հայոց Արծիվներ. Միասնական Հայաստան» կուսակցության գլխավորությամբ։ Կուսակցությունը դեռ միակ ազգայնական ուժն է, որ հստակ և աներկբա ներկայացրել է իր տեսլականը Հայաստանի հետագա զարգացման ուղղությամբ, իսկ ազգայնական գաղափարներ կրող այլ անհատներն ու միավորումները դեռևս չեն արձագանքել, չեն ներկայացրել իրենց մոտեցումները։ Իսկ դրանց համադրման, նման դաշինքի ստեղծելու անհրաժեշտությունը վաղուց է արձանագրված։ «Հայոց Արծիվներ. Միասնական Հայաստան» կուսակցության նախագահ Խաչիկ Ասրյանն էլ ամիսներ առաջ ներկայացրել է կուսակցության մոտեցումները բոլոր ոլորտներում, Հայաստանի կենսական շահերը պաշտպանելու առումով։

Ծրագիրը, ինչ խոսք, ծավալուն է, սակայն մի քանի դրույթներ հարկ է ներկայացնել նորից ու նորից։ Սակավ քաղաքական ուժեր են այսօր պնդում Սահմանադրական հանրաքվե անցկացնելու, Հայաստանի կառավարման համակարգը նախագահական դարձնելու կարիքը։ Կիսանախագահական և խորհրդարանական կառավարման համակարգերը վերջին երեք տասնամյակներում ի ցույց դրեցին իրենց թերությունները, ճգնաժամային իրավիճակներում խոցելի կետերը։ «Հայոց Արծիվներ. Միասնական Հայաստան» կուսակցությունը հստակ է հայտարարել նախագահական կառավարման համակարգի անցնելու մասին։ Խաչիկ Ասրյանը նաև ընդգծում է հստակ արտաքին քաղաքական կողմնորոշման մասին հայտարարելու, գործադիր-կառավարման համակարգի արդիականացման, աշխատանքի հստակ կազմակերպման անհրաժեշտությունը։

«Ավելին, հաշվի առնելով, որ Երկիր մոլորակում տեղի են ունենում աշխարհաքաղաքական սրընթաց փոփոխություններ, և աշխարհի հատկապես գերտերություններն ու միջազգային կազմակերպություններն արդեն իսկ առաջնային, գլխավոր են դարձրել պետությունների տարածքային ամբողջականությունն, այլ ոչ թե ազգերի ինքնորոշումը, ուստի, Հայաստանի հաջորդ՝ Ազգային-Քրիստոնյա իշխանությունը միշտ խոսելու է Հայաստանի Հանրապետության տարածքային ամբողջականության մասին, որի մեջ պարտադիր ընդգրկված կլինի ամբողջական Արցախը»,- մի առիթով շեշտել է Խաչիկ Ասրյանը։

Այս կարևորագույն կետերի շուրջ էլ կարող է տեղի ունենալ ազգային և քրիստոնեական գաղափարներով տոգորված անհատների և ուժերի միավորումը, եթե իսկապես ցանկանում են ուժեղ և զարգացած Հայաստան ունենալ։

դիտվել է 14 անգամ
Լրահոս
Քաղաքապետարանը՝ ոստիկանության օգնությամբ ջարդ ու փշուր է անում մարդկանց սեփականությունը. Րաֆֆի Ասլանյան (տեսանյութ) Հայաստանում ֆրանսերենի ուսուցիչների երկրորդ համաժողովին մասնակցել է շուրջ 100 մանկավարժ Գազ չի լինելու Բանգլադեշի հայկական դատարկ եկեղեցու վերջին ծխականը Գիտնականներն ապացուցել են կապը կարմիր մսի օգտագործման եւ քաղցկեղի միջեւ Արոնյանը 5-րդն է Փարիզի արագ շախմատի մրցաշարում Բանկերը վարկեր կտրամադրեն 2 տոկոսով և կզրոյացվեն հին վարկերի տոկոսները Հունիսի 23-ին ժամը 12:00-ին տեղի կունենա «Հայրենիք» կուսակցության նախագահ Արթուր Վանեցյանի մամլո ասուլիսը 70-ից ավելի ընտրատեղամասերում վերահաշվարկ տեղի կունենա Ռուսաստանը վերսկսում է ավիահաղորդակցությունը Թուրքիայի հետ «Բարգավաճ Հայաստան» կուսակցությունն այսուհետ ևս անելու է հնարավոր ամեն բան մեր երկրում հետպատերազմյան ճգնաժամը հաղթահարելու համար Վթար՝ Ծովագյուղ-Շորժա-Վարդենիս ավտոճանապարհին. մեկ տարեկան երեխա է մահացել /լուսանկարներ/ Հայ մարտիկը առաջին ռաունդում հաղթել է թուրքին, որը խոստացել էր գլուխը կոտրել Որքան գումար է ծախսել ԱՆ-ն կորոնավիրուսի կանխարգելման համար հունվարից մինչև հունիսի 1-ն ՀԷՑ-ը «Վեոլիա Ջուր»-ին խնդրում է այսուհետ հանրությանն առավել ճշգրիտ տեղեկատվություն տրամադրել Հայաստանի դեմոկրատական կուսակցությունը չի ընդունում ընտրությունների արդյունքները Շտապեմ հիասթափացնել բոլոր նրանց, ովքեր հույսեր ունեն, որ ԲՀԿ-ն կքաշվի մի կողմ և կնվազեցնի իր ջանքերը հանուն մեր Հայրենիքի. Արման Աբովյան Ընտրություններն ամրագրեցին ընտրատեղամասեր եկողների կամքը, բայց ոչ` հայ հասարակության տրամադրություններն ու նկրտումները․ Արա Աբրամյան Խաչիկ Ասրյանը ճիշտ էր․ խորհրդարանական ընտրությունները նոր արհավիրք են դառնալու ԿԸՀ-ն ներկայացրել է Հայաստանի ընտրությունների ամենանախնական արդյունքները (ֆոտո) Ամփոփվել են 168 տեղամասի արդյունքները ՀԷՑ-ը՝ համատարած հոսանքազրկումների մասին
Ամենաընթերցվածները