Կրթաթոշակներ և անվճար սովորելու հնարավորություն Գ. Պլեխանովի անվ․ ՌՏՀ Երևանի մասնաճյուղում

Հարցազրույց Գ.Վ. Պլեխանովի անվ․ տնտեսագիտական համալսարանի Երևանի մասնաճյուղի տնօրեն պ.գ.թ. Թամարա Վարդանյանի հետ

-Տիկին Վարդանյան, վերջերս տեղի ունեցավ Գ.Վ. Պլեխանովի անվ․ ՌՏՀ Երևանի մասնաճյուղի «Հեռանկարային Հետազոտությունների լաբորատորիայի» հանդիսավոր բացումը։ Բացման խոսքում դուք նշեցիք, որ մասնաճյուղի կրթական ծրագրերում գերակա ուղղություններն ընդգրկում են ՏՏ ոլորտը։ Խնդրում ենք մանրամասնել, ի՞նչ հեռանկարներ են առաջանում ուսանողների համար։

-Առաջին և հիմնական նորությունն այս տարի այն է, որ Գ․Վ․ Պլեխանովի անվ․ տնտեսագիտական համալսարանի Երևանի մասնաճյուղը հատուկ քվոտայով բյուջետային տեղեր է ստացել Ռուսաստանի Դաշնության Բարձրագույն կրթության և գիտության նախարարությունից։ Ընդ որում, բյուջետային տեղերը հատկացված են «Կիրառական ինֆորմատիկա» ֆակուլտետի համար, որտեղ ուսումնառության ավարտին ուսանողը ստանալու է ՌԴ պետական դիպլոմ՝ «Կիրառական ինֆորմատիկան տնտեսությունում» (Прикладная информатика в экономике) մասնագիտացումով։ Ըստ էության, ենթադրվում է միջառարկայական հետազոտությունների հարթակի ձևավորում։ Ուսումնական պլանն ու առարկայական ցանկն այնպիսի տրամաբանությամբ են մշակված, որ ՏՏ ոլորտն ու տնտեսագիտությունը մեկտեղված են, ինչը կտրուկ բարձրացնելու է ուսումնառության կիրառական բաղադրիչը։ Մեր նպատակն է դաստիարակել ուսանողին որպես հետազոտող-անհատ։ Այդ խնդրին է ծառայելու նաև նորաբաց լաբորատորիայի գործունեությունը։

-Տարեցտարի բուհերում նկատվում է ուսման վարձերի բարձրացում հասարակության վճարողունակության անկման ֆոնին, այսինքն՝ կրթության հասանելիությունը լրջորեն վտանգված է, ուստի, եթե դեմ չեք, վերադառնանք կրթաթոշակներին և անվճար տեղերին։ Եթե կարելի է, մանրամասնեք, թե ինչի՞ մասին է խոսքը։

-Իհարկե, նախ կցանկանայի նշել, որ Պլեխանովի անվ․ տնտեսագիտական համալսարանը մասնաճյուղեր ունի նաև այլ երկրներում՝ Բելառուսում, Ուզբեկստանում, Մոնղոլիայում, սակայն անվճար ուսման հնարավորություն ստացել են միայն Երևանի մասնաճյուղի դիմորդները։ Կարևոր է նաև, որ ուսանողները ոչ միայն անվճար ուսումնառության հնարավորություն կունենան, այլև կստանան ամսեկան կրթաթոշակ ՌԴ կառավարությունից։ Անշուշտ, մենք ակնկալում ենք տաղանդավոր դիմորդների մուտքը մեր համալսարան, ուստի բյուջետային տեղերում ընդգրկվելու համար դիմորդը պետք է ցուցաբերի խոր գիտելիքներ և համապատասխան պատրաստվածություն։ Այս տարի բյուջետային տեղերի քանակը 10-ն է, սակայն հուսով ենք, որ տարեցտարի այն կավելանա։ 

Վերջում կուզենայի, օգտվելով առիթից, հաջողություն մաղթել 2021թ․ բոլոր դիմորդներին, ցանկանալ նրանց կանաչ ճանապարհ, ջանասիրություն, բարձր առաջադիմություն և նպատակասլացություն։  

 

դիտվել է 3 անգամ
Լրահոս
Ֆրանսիան 15 մլն եվրոյի հրատապ օգնություն կհատկացնի Հայաստանին Սուպերվարչապետական համակարգի պահպանմանը զուգադրվելու է կախյալ դատական համակարգի ձևավորումը. ի՞նչ հետևանքների կարող է այն հանգեցնել Ռուսաստանը Հայաստանին զրկում է եկամտի և վաճառքի շուկաներից․ «Փաստ» Ո՞ւր է մղվում Հայաստանի արտաքին քաղաքականությունը՝ «տարածաշրջանայնացմա՞ն», թե՞ «արևմտականացման»․ «Փաստ» «Չափազանց լավ որդի՝ իր ծնողների, կատարյալ ամուսին՝ իմ, և լավ հայր՝ իր բալիկների համար». փոխգնդապետ Կարեն Հակոբյանն անմահացել է հոկտեմբերի 2-ին Մատաղիսում. «Փաստ» Առանցքային գաղափարախոսությունը՝ ցինիզմ. «Փաստ» Երբ ախորժակն իսկապես էլ ուտելիս է բացվում. «Փաստ» Իշխանազավթման խրոնիկան. «Փաստ» «Ամբոխահաճ քաղաքական խոսույթը մեկ բան է, կիրառական քաղաքականությունը՝ մեկ այլ բան». «Փաստ» Չալաբյանի հարցով դատախազությունը հայտնվել է «ցայտնոտի» մեջ. «Փաստ» Բացառված չէ, որ շուտով Ալավերդիում ականատես լինենք ներիշխանական բախումների. «Փաստ» Աշխատանքից կազատվի ոչ միայն մանկապարտեզի աշխատակիցը, այլ նաև տնօրենը. «Փաստ» Ինչո՞ւ է օտարերկրյա կազմակերպությունը ուսումնասիրություններ արել Հայաստանում. «Փաստ» Հրապարակվել է 32 գերիների անունները, որոնք վերադարձվելու են Հայաստանին Առաջիկա օրերին սպասվում է անձրև Իսրայելցի նախարարի որդին զոհվել է Գազայում Փաշինյանն ի սկզբանե է ատել Արցախը. «Փաստ» Փորձում են մոռացության տալ Արցախն ու Արցախյան հարցը և «վերանայել» Հայաստանի պատմությունը․ «Փաստ» Տարածաշրջանային դասավորության մեխանիկան․ «Փաստ» «Ո՛չ տղերքը կան, ո՛չ էլ մեր հողը». Անդրեյ Այվազյանը և նրա քեռին՝ Արցախը, զոհվել են հայրենի հողը պաշտպանելիս․ «Փաստ» Իշխանազավթման հերթական «օպերացիան»՝ որպես ժողովրդավարության մահախոսական․ «Փաստ» «Հայաստանում ժողովրդավարությունը խարխլված է, իշխանությունն իր շահերի համար ոտնահարում է ամենաթանկարժեք բանը՝ ՀՀ Սահմանադրությունն ու օրենքները»․ «Փաստ» Ուղիղ հրահանգների նոր «սերիան»․ «Փաստ» «Ապօրինի մոտեցում է, ինչն էլ համեմվում է քրեական դատավարության նորմերի կոպիտ ոտնահարմամբ»․ «Փաստ» Ալավերդիում ոստիկանները ագրեսիվ են տրամադրված եղել․ «Փաստ»
Ամենաընթերցվածները