Ձեռներեցության աշխարհի գավաթի ազգային եզրափակիչի հաղթողներն են Denovo Sciences և Zoomerang ստարտափները

Հայաստանում ավարտվել է 2021 թ-ի Ձեռներեցության աշխարհի գավաթի եզրափակիչը, որի հաղթողներն են ճանաչվել Denovo Sciences-ը և «Zoomerang»-ը:

Ձեռներեցության աշխարհի գավաթի (Entrepreneurial World Cup – EWC) ազգային փուլը Հայաստանում կազմակերպվել է Հայաստանի ամերիկյան համալսարանի (ՀԱՀ) Ձեռնարկատիրության և նորարարական տեխնոլոգիաների կենտրոնի (EPIC) կողմից: Նախագծին միացել են նաև շուրջ 40 գործընկերներ և հովանավորներ, այդ թվում և «Տելեկոմ Արմենիա» ընկերությունը (ապրանքանիշը՝ Beeline): 

Բացի պաշտոնական մրցանակից, որը կազմել է $ 20 000, թիմերը ստացել են նաև հատուկ նվերներ «Տելեկոմ Արմենիայից»՝ այդ թվում երկու հաղթող թիմերը ստացել են երկու տարվա ընթացքում հոսթինգ ծառայությունից օգտվելու հնարավորություն, իսկ ազգային փուլի հաղթող թիմի անդամները ստացել են նաև Hiper VX 690 և Tribe Himba էլեկտրական սքութերներ: 

Այս թիմերը, ազգային փուլը հաղթահարելուց հետո Հայաստանը կներկայացնեն Ձեռներեցության աշխարհի գավաթի գլոբալ եզրափակիչի Accelerate 2 փուլին: 

Նշենք, որ որպես գաղափարային փուլի և վաղ փուլի հաղթողներ ընտրվել են Robodel, MedPoint Technologies ստարտափները, որոնցից յուրաքանչյուրը շահեց $10 000-ական: 

Ձեռներեցության աշխարհի գավաթին ներկայացված ավելի քան 100 հայտերից ազգային եզրափակիչ են անցել տասներկու թիմեր, որոնք են՝ MedPoint Technologies, SmartClick, Revalcon, Cyber Tech, rBlock, Zoomerang (Zoom Apps), Heltun, Tactun (RAFA Solutions), Robodel, Mr.Fast, Streameal, Denovo Sciences: 

Մրցակցող թիմերի համար ներկայացված հիմնական ուղղահայացներն են մեծածավալ տվյալներ (Big Data), արհեստական բանականություն (AI), բջջային հավելվածներ, ծրագրային ապահովումը որպես ծառայություն (SAAS), ձեռնարկությունների ծրագրային ապահովում, առողջություն և բարեկեցություն: 

«Տելեկոմ Արմենիա» գլխավոր տնօրեն Հայկ Եսայանը նշեց․ «Մեր թիմի անունից սրտանց շնորհավորում եմ հաղթողներին և մասնակիցներին: Հուսով եմ այս մրցույթն ու հատկապես հաղթանակը խթան կլինեն նրանց համար զարգանալու և նորանոր հաղթանակներ ունենալու»: 

EPIC-ի տնօրեն Մայքլ Քուչաքջեանը նշեց. «Երբ մենք ստացանք Ձեռներեցության աշխարհի գավաթի գլոբալ կազմակերպիչներից էլեկտրոնային նամակը` խնդրելով մեզ առաջին անգամ կազմակերպել մրցույթը Հայաստանում, մենք որոշեցինք, որ դա միայնակ չենք անելու և մենք օգտագործեցինք այս միջոցառումը, որպես միջոց Հայաստանում էկոհամակարգի բոլոր գործընկերների հետ համատեղ աշխատելու համար, ինչը համընկնում է նաև ՀԱՀ-ի մեր տեսլականի և ռազմավարության հետ` արտաքին շահագրգիռ կողմերի և համայնքի անդամների հետ աշխատելու առումով»: 

2021թ-ի Ձեռներեցության աշխարհի գավաթի համաշխարհային եզրափակիչը տեղի կունենա նոյեմբերին Սաուդյան Արաբիայի Ռիադ քաղաքում: Հարյուր ստարտափներ կմասնակցեն Ձեռներեցության աշխարհի գավաթի Accelerate 2 փուլին՝ intensive startup bootcamp-ի համար և կմրցեն Ձեռներեցության աշխարհի գավաթի համաշխարհային եզրափակիչում:

Нет описания.

Нет описания.

 
դիտվել է 0 անգամ
Լրահոս
Հիմա էլ թուրքի առաջ է կզել նիկոլը ու հանցագործ էրդողանի կոշիկներն է պատրաստվում լիզել. Աննա Մկրտչյան Խաղաղության օրակարգ չկա՝ կա հայ ազգից բույս սարքելու օրակարգ. Արմեն Աշոտյան Թուրքիան ոչ միայն շարունակում է նախապայմանների լեզվով խոսել Հայաստանի հետ, այլ ընդլայնել է դրա շրջանակը. Տիգրան Աբրահամյան Խաչիկ Ասրյան. «Ղրիմը Ռուսաստան է այնպես, ինչպես Արցախը՝ Հայաստան» ՎՏԲ-Հայաստան Բանկը մասնակցել է Հայկական գործարար համաժողով 2021-ին 38-ամյա տղամարդը զանգել է ոստիկանություն և հայհոյել Փաշինյանին. նյութեր են նախապատրաստվում ԱԺ պաշտպանության և անվտանգության հարցերի մշտական հանձնաժողովի աշխատանքն իշխանությունը դիտմամբ է տապալում. Տիգրան Աբրահամյան Մահացել է գեղանկարիչ Վեսմիր Գրիգորյանը Champions Showdown․ Լեւոն Արոնյանը գրավեց 7-րդ տեղը Գեւորգ Ալեքսանյան․ Արթուր Ալեքսանյանն ու Կարապետ Չալյանը բաց կթողնեն ԱԱ-ն, որպեսզի լիարժեք ապաքինված մոտենան Փարիզ-2024-ի շրջափուլին Այն տարածված լուրերը, թե իբր Հայկոյի վիճակը ծայրահեղ ծանր է, մի փոքր ուռճացված են Հիմնվել է նորագույն տեխնոլոգիաներով հագեցված 4 նոր թռչնանոց Ողբերգական վթար՝ Սյունիքի մարզում. վարորդը տեղում մահացել է Ինտելեկտուալ խաղերի միջազգային փառատոնում հայաստանյան թիմերը արժանացան արծաթե և բրոնզե մեդալների Սամվել Կարապետյանն այցելել է Եռաբլուր (լուսանկարներ) Ադրբեջանցիները պահանջել են իջեցնել Ամարասի վրայի Արցախի դրոշը. «Հրապարակ» Ի՞նչ էր խնդրելու կամ ասելու Փաշինյանը Էրդողանին. Ղազինյան
Ամենաընթերցվածները