11/11/20-30/07/21. հայկական զինուժն ունի առնվազն 66 զոհ

2020թ․ նոյեմբերի 11-ից՝ հրադադարի մասին ՀՀ, ՌԴ և Ադրբեջանի ղեկավարների եռակողմ հայտարարության ուժի մեջ մտնելուց մինչ օրս, հայկական բանակում գրանցվել է առնվազն 66 զինծառայողի/կամավորականի/պահեստազորայինի մահ, տեղեկացնում է razm.info–ն։

Թեև հայտարարության համաձայն հրադադարը ուժի մեջ էր մտնում նոյեմբերի 10-ի 00։00-ից, մարտերը շարունակվել են նաև նոյեմբերի 10-ին, այդ պատճառով Ռազմինֆոն որոշել է հետպատերազմական շրջանի կորուստները հաշվարկել սկսած նոյեմբերի 11-ից։

Նրանցից 24-ը մարտական կորուստներն են, զոհվել են այնպիսի միջադեպերի ժամանակ, ինչպիսիք են Խծաբերդ-Հին Թաղերի վրա ադրբեջանական հարձակումը, Արցախի օկուպացված տարածքներում շրջափակված հայ զինծառայողների սպանությունները, 2021-ի մայիս-հուլիսին սահմանային բախումները, ինչպես նաև ականի պայթյունները։

Միաժամանակ գրանցվել է 42 ոչ մարտական կորուստ, այդ թվում՝ ինքնասպանություններ, մահեր հիվանդություններից, ավտովթարներից, սպանություններից և զենքի հետ վարվելու կանոնների խախտումներից։

Նոյեմբերի 10-ից սկսած Ադրբեջանը, խախտելով եռակողմ հայտարարությամբ ստանձնած պարտավորվածությունները, ոչ միայն չի վերադարձրել գերեվարված բոլոր հայ զինծառայողներին և քաղաքացիականներին, այլև շարունակել է նոր գերիներ վերցնել, որոնց թիվը հասնում է 85-ի։ Կայքի դիտարկումներով՝ այս պահին վերադարձվել է նոյեմբերի 10-ից հետո գերեվարված առնվազն 30 անձ, որոնցից 15-ը ականապատ դաշտերի քարտեզների դիմաց։

Նույն ժամանակահատվածում անհետ կորել է 3 զինծառայող։ Նրանցից մեկը՝ ժամկետային զինծառայող Նորիկ Մկրտչյանը, մայիսի 18-ին ինքնակամ լքել էր Վարդենիսի զորամասը։ Նրան գտնելու մասին տեղեկություն դեռևս չկա։ Իսկ հուլիսի 14-ին Սյունիքի Սև լճի հատվածում կորել էր կապը զինծառայողներ Ա․ Նալբանդյանի և Ա. Տոռոզյանի հետ։ Մինչ օրս նրանք չեն հայտնաբերվել, ՊՆ-ն չի բացառել նրանց գերեվարումը ադրբեջանցիների կողմից։ Զինծառայողները եղել են առանց զենքի։

Նշենք, որ Razm.info-ն զոհերի տվյալները հավաքելիս օգտվում է ինչպես բաց աղբյուրներից (ՀՀ ՊՆ, Արցախի ՊԲ, ՔԿ, սոցցանցեր), այնպես էլ դատախազություն ուղարկվող գրավոր հարցումներից։ Այս պահին կայքը տիրապետում է մինչև հունիս գրանցված կորուստների մասին դատախազության տրամադրած տվյալներին, հունիս և հուլիս ամիսների տվյալները ստանալու դեպքում կթարմացնի ամփոփումը։

դիտվել է 0 անգամ
Լրահոս
Նոր տեղեկություններ՝ օրենքով գող Արսեն Երեւանսկուց «Ասաց՝ սալամ». Րաֆֆի Հովհաննիսյանը Երևանում ադրբեջանցի տաքսիստի է հանդիպել Ողբերգական վթար՝ Երևանի Նաիրի Զարյան փողոցում Ավտովթար՝ Արաբկիրի թաղապետարանի մոտ․ կա զոհ ու վիրավոր Իշխանությունները «կարկատան» են անում Գորիս–Կապան այլընտրանքային ճանապարհը Ռուսաստանը կհարձակվի ևս երկու երկրների վրա. հայտնի է, թե որ երկրների մասին է խոսքը Ոսկու գինն իջնում է Գերիների հարազատները դադարեցրեցին նստացույցը. Կառավարությունից խոստացել են հանդիպում կազմակերպել Մեղրիից տեղեկացնում են. կան վիրավորներ Լաչինի միջանցքի բռնի գրավումը կառաջացնի բախումներ ռուսական խաղաղապահների հետ Գերիների հարազատները գիշերել են Կառավարության շենքի դիմաց Չալաբյանի դեմ հետապնդումներն ու իրավիճակն Արցախում․ վարչախմբի նյարդայնության պատճառը Եթե ​​Ադրբեջանը լայնամասշտաբ ռազմական գործողություններ սկսի, ամեն ինչ կախված կլինի ՀՀ-ից Անունը դնում են ուսումնական հավաքներ, բայց «ուսումնական» բառը փնտրում ու չես գտնում․ Տիգրան Աբրահամյանը՝ եռամսյա հավաքների մասին Հայը բազմիցս ապացուցել է, որ պատրաստ չէ Հայրենիքը թշնամուն հանձնելու գնով փրկել սեփական կյանքը. Արցախի «Արդարություն» կուսակցության հայտարարությունը ՀՐԱՏԱՊ. 2 զինծառայող են վիրավորվել. Հայտնի են ամունները Վիրավոր զինվորներ ունենք. ՀՀ ՊՆ-ն լավ լուր է հայտնել Աղավնոյի բնակիչները գյուղից հեռանում են լուռ, բայց այդ լռության ձայնը խլացնում է մարդկանց ականջները… Լուսանկարներ Եղանակը Հայաստանում Նոր տեղեկություններ՝ Աղավնոյից և Բերձորից
Ամենաընթերցվածները