«Սերիալներում խաղալու առաջարկներ շատ–շատ են լինում». «Լավագույն երիտասարդ դերասանուհի» ճանաչված Մարիկա Դովլաթբեկյանը՝ մրցանակը կիսելու, իր ֆավորիտ դերասանուհու և սերիալներում չխաղալու պատճառի մասին

Թատրոնի միջազգային օրը կայացավ «Արտավազդ 2020/2021» մրցանակաբաշխությունը, որի ժամանակ «Լավագույն երիտասարդ դերասանուհի» անվանակարգում հաղթող ճանաչվեցին 2 դերասանուհի՝  Հռիփսիմե Նահապետյանը «Ռոմեո և Ջուլիետ» ներկայացման մեջ Ջուլիետի դերակատարման համար և Մարիկա Դովլաթբեկյանը «Սև կատուն» ներկայացման մեջ Պոյի ալտեր Էգոյի ալտեր Էգո խաղալու համար։

Այս մրցանակակիրների անունները պետք է հայտնի դառնային դեռ նախորդ տարի, սակայն համավարակի արդյունքում առաջացած սահմանափակումների պատճառով այն 1 տարով հետաձգվեց։

Tert.am Life–ը զրուցել է «Լավագույն երիտասարդ դերասանուհի» անվանակարգի հաղթողներից մեկի՝ Մարիկա Դովլաթբեկյանի հետ։

 

Վերջինս նկատեց, որ հատուկ չէր պատրաստվել․ «Սպասելիքներ ունեի, քանի որ նոմինացված էի, բայց գիտեի, որ էլի լավ ներկայացումներ կան, լավ դերասաններ, դերասանուհիներ են նոմինացված։ Իմ ֆավորիտն այս անվանակարգում Հռիփսիմեն էր, ով ևս մրցանակ ստացավ։ Շատ եմ սիրում իրեն որպես դերասանուհի։ Իր համար էլ եմ շատ ուրախ։ Չէի պատկերացնում, որ կկիսենք մրցանակը, բայց, ըստ իս, դա լավագույն տարբերակն էր»։

Մարիկան նշեց, որ մրցանակն իրեն շատ է ոգևորել, հատկապես, որ այս ներկայացումը ստեղծել են մեծ ջանքեր ներդնելու շնորհիվ։ «Այս ներկայացումը ստեղծելիս ամեն բան զրոյից ենք արել, գումար էինք հայթայթում ռեկվիզիտների համար, կոստյումները մեր ընկերներն էին կարում։ Շատ մեծ աշխատանք էինք արել, շատ հաճելի էր ստանալ մրցանակը։ Այն ինձ շատ մոտիվացրեց»,– ոգևորությամբ ասաց դերասանուհին։

Մարիկան այս տարվանից ընդգրկվել է Կամերային թատրոնի դերասանական կազմում։ «Շատ ուրախ եմ դրա համար։ Շատ շնորհակալ եմ Արշալույս Հարությունյանին և Լուսինե Երնջակյանին, որ ինձ թատրոնում աշխատելու հնարավորություն տվեցին։ Ես զգում եմ՝ որքան եմ աճել, իրենց շնորհիվ ինչպես եմ օր օրի ավելի լավը դառնում որպես դերասանուհի»,– ասաց նա ու հավելեց, որ աշխատում է նաև Տիկնիկային թատրոնում։

Այս շրջանում դերասանուհին կենտրոնացել է նաև իր բեմադրությունն անելու ուղղությամբ։ Հարցին, թե ինչու իրեն չենք տեսնում հեռուստատեսային նախագծերոմ, նա պատասխանեց․ «Ես ավելի շատ նախընտրում եմ թատրոնը, ինձ ներդնում եմ թատրոնում, հեռուստատեսությունում, երևի, դեռ կտեսնեք։ Սերիալներում խաղալու առաջարկներ շատ–շատ են լինում, բայց քանի որ զբաղվածությունս թատրոնում շատ է, հիմա չեմ հասցնի։ Եթե շատ լավ առաջարկ լինի, կխաղամ կարճաժամկետ սերիալներում։ Մինչև այս նկարահանվել եմ Արշալույս Հարությունյանի «Հանդիպման վայր» հեռուստասերիալում, որը եղել է Հանրայինի եթերում»։

Որքան էլ թատրոնն ինքնարտահայտնվելու հնարավորություն է տալիս դերասանին, մեկ անգամ չէ, որ խոսվել է այս դաշտում ցածր աշխատավարձերի մասին։ Շատ դեպքերում դերասանները պարզապես չեն կարողանում ներկայանալ միայն թատրոնում, քանի որ ապրուստի միջոցի կարիք ունեն։ Մարիկան փորձում է բավարարվել միայն դրանով․ «Եկամտի այլ աղբյուր չունեմ, ապրում եմ թատրոնի աշխատավարձով։ Ես այնքան շատ եմ սիրում ու հարգում իմ մասնագիտությունը․․․ պարզ է, որ ես փողի համար չեմ թատրոնում, որովհետև շատ քիչ են վճարում, բաց փորձում եմ բավարարվել քչով»։

Ապագայի մասին խոսել դերասանուհին զգուշացավ․ «Ծրագրեր կազմել չի սիրում։ Եթե ինձ գրավի նյութը, մեծ հաճույքով և՛ կնկարահանվեմ, և՛ կխաղամ։ Կարևորն այն է, որ բովանդակությունն ինձ հետաքրքրի։ Հիմա ուզում եմ ինձ փորձել որպես ռեժիսոր»։

 
դիտվել է 0 անգամ
Լրահոս
Հիմա էլ թուրքի առաջ է կզել նիկոլը ու հանցագործ էրդողանի կոշիկներն է պատրաստվում լիզել. Աննա Մկրտչյան Խաղաղության օրակարգ չկա՝ կա հայ ազգից բույս սարքելու օրակարգ. Արմեն Աշոտյան Թուրքիան ոչ միայն շարունակում է նախապայմանների լեզվով խոսել Հայաստանի հետ, այլ ընդլայնել է դրա շրջանակը. Տիգրան Աբրահամյան Խաչիկ Ասրյան. «Ղրիմը Ռուսաստան է այնպես, ինչպես Արցախը՝ Հայաստան» ՎՏԲ-Հայաստան Բանկը մասնակցել է Հայկական գործարար համաժողով 2021-ին 38-ամյա տղամարդը զանգել է ոստիկանություն և հայհոյել Փաշինյանին. նյութեր են նախապատրաստվում ԱԺ պաշտպանության և անվտանգության հարցերի մշտական հանձնաժողովի աշխատանքն իշխանությունը դիտմամբ է տապալում. Տիգրան Աբրահամյան Մահացել է գեղանկարիչ Վեսմիր Գրիգորյանը Champions Showdown․ Լեւոն Արոնյանը գրավեց 7-րդ տեղը Գեւորգ Ալեքսանյան․ Արթուր Ալեքսանյանն ու Կարապետ Չալյանը բաց կթողնեն ԱԱ-ն, որպեսզի լիարժեք ապաքինված մոտենան Փարիզ-2024-ի շրջափուլին Այն տարածված լուրերը, թե իբր Հայկոյի վիճակը ծայրահեղ ծանր է, մի փոքր ուռճացված են Հիմնվել է նորագույն տեխնոլոգիաներով հագեցված 4 նոր թռչնանոց Ողբերգական վթար՝ Սյունիքի մարզում. վարորդը տեղում մահացել է Ինտելեկտուալ խաղերի միջազգային փառատոնում հայաստանյան թիմերը արժանացան արծաթե և բրոնզե մեդալների Սամվել Կարապետյանն այցելել է Եռաբլուր (լուսանկարներ) Ադրբեջանցիները պահանջել են իջեցնել Ամարասի վրայի Արցախի դրոշը. «Հրապարակ» Ի՞նչ էր խնդրելու կամ ասելու Փաշինյանը Էրդողանին. Ղազինյան
Ամենաընթերցվածները