Կրթություն-արդյունաբերություն համագործակցության ընդլայնում
![](banners/solaron_s.gif?v=2)
![Կրթություն-արդյունաբերություն համագործակցության ընդլայնում](/timthumb.php?src=/disc/23-08-21/584767c67d8ae3ce68ebb45668aea49e.jpg&w=708)
Գ. Վ․ Պլեխանովի անվան ռուսական տնտեսագիտական համալսարանի Երևանի մասնաճյուղը ստեղծում է Հայաստանում արդյունաբերական գործընկերների խորհուրդ, որի նպատակն է ամրապնդել կրթական համակարգի համագործակցությունը բիզնես օղակների հետ։
Օգոստոսի 19-ին ՀՀ-ում ՌԴ առևտրային ներկայացուցչությունում տեղի ունեցավ Հայաստանում Ռուսաստանի առևտրային ներկայացուցիչ Աննա Դոնչենկոյի հանդիպումը Գ․Վ․ Պլեխանովի անվան ՌՏՀ Երևանի մասնաճյուղի տնօրեն Թամարա Վարդանյանի հետ:
Հանդիպման ընթացքում քննարկվեցին համագործակցության հեռանկարները, մասնաճյուղի գործունեության ընդլայնման, Հայաստանում Ռուսաստանի առևտրային ներկայացուցչության աջակցությամբ ռուսական և հայկական ընկերությունների հետ փոխգործակցության զարգացման հնարավորությունները։ Մասնաճյուղի արդյունաբերական գործընկերների խորհուրդը կնախագահի տիկին Դոնչենկոն։ Խորհրդի գործառույթների շրջանակը բավական լայն է, ներառում է բուհի կրթական մակարադակի բարձրացմանն ուղղված միջոցառումներին ակտիվ մասնակցությունը՝ ուսումնական ծրագրերի քննարկման, կատարելագործման, աշխատաշուկայի պահանջներին այն հարմարեցնելու նպատակով։