Վաղվանից ուժի մեջ է մտնում նախարարի հրամանը, ըստ որի, աշխատողը պետք է գործատուին ներկայացնի կորոնավիրուսի դեմ պատվաստումը հավաստող սերտիֆիկատ կամ 14 օրը մեկ թեստի՝ բացասական արդյունքով փաստաթուղթ

Հանրապետությունում հոկտեմբերի 14-ից ուժի մեջ է մտնում ՀՀ առողջապահության նախարարի հրամանը, ըստ որի, աշխատողը պետք է գործատուին ներկայացնի կորոնավիրուսի դեմ պատվաստումը հավաստող սերտիֆիկատ, իսկ եթե պատվաստված չէ, ապա 14 օրը մեկ թեստավորման բացասական արդյունքով փաստաթուղթ:

«Արմենպրես»-ի մամուլի սրահում հրավիրված ասուլիսում ՀՀ ԱՆ հիվանդությունների վերահսկման և կանխարգելման ազգային կենտրոնի վարակիչ և ոչ վարակիչ հիվանդությունների համաճարակաբանության վարչության պետ Ռոմելլա Աբովյանը նշեց, որ այս կարգավորումը մշակվել ու հաստատվել է միջազգային փորձի հիման վրա:

«Ուսումնասիրությունները ցույց են տալիս, որ սահմանափակումներն ունեն իրենց արդյունավետությունը: Հույս ունենք, որ այս սահմանափակումների արդյունքում կկարողանանք իրավիճակը կառավարելի դարձնել»,- ասաց Ռոմելլա Աբովյանը:

Հարցին, թե արդյոք հնարավո՞ր է 14 օրը մեկ թեստավորման բացասական արդյունքով փաստաթուղթ ներկայացնելու պահանջը փոխվի, և ժամկետները վերանայվեն՝ դառնալով 10 կամ 7 օրը մեկ, Ռոմելլա Աբովյանը նշեց, որ այս պահին նման քննարկումներ չկան, սակայն չի բացառվում, որ և՛ այդ, և՛ այլ սահմանափակումների հարցը դիտարկվի:

Լրագրողի հարցին, թե արդյոք նոր սահմանափակումներ ասելով Ռոմելլա Աբովյանը նկատի ունի ժամանցի վայրեր, հանրային սննդի օբյեկտներ այցելելո՞ւն, ինչը կթույլատրվի պատվաստման կամ թեստավորման բացասական պատասխան ունենալու պարագայում, մասնագետը նշեց, որ կա այդպիսի աշխատանքային փաստաթուղթ, որը դեռ քննարկման փուլում է՝ հաշվի առնելով նաև միջազգային փորձը:

Խոսելով պահանջների խստացումից՝ ՀՀ աշխատանքի և սոցիալական հարցերի նախարարի տեղակալ Ռուբեն Սարգսյանը և Արդարադատության նախարարության «Օրենսդրության զարգացման և իրավական հետազոտությունների կենտրոն» հիմնադրամի տնօրեն Տիգրան Դադունցը ներկայացրեցին Աշխատանքային օրենսգրքում լրացումներ կատարելու մասին և «Հանրային ծառայության մասին»  ՀՀ օրենքում լրացումներ և փոփոխություններ կատարելու նախագծերը: Առաջարկվող փոփոխությունների համաձայն՝ գործատուն կկարողանա ազատել աշխատողին Covid-ի պատվաստման սերտիֆիկատ կամ թեստավորման թուղթ չունենալու դեպքում:

«Եթե աշխատողը չի ներկայացնում պատվաստման սերտիֆիկատը կամ թեստավորման փաստաթուղթը, ապա գործատուն իրավունք է ստանում չթույլատրել աշխատողին անցնել աշխատանքի: Գործատուն իրավունք է ստանում չվճարել այդ բաց թողած ժամանակի համար: Այդպես 30 օր աշխատանքի չներկայանալու պարագայում, գործատուն իրավունք է ստանում լուծել պայմանագիրը: Ասեմ, որ այդ բաց թողած ժամանակահատվածը չի կուտակվելու որպես ամենամյա արձակուրդ և աշխատանքային ստաժ չի համարվելու»,- ասաց Ռուբեն Սարգսյանը:

Նույն կարգավորումները գործելու են հանրային ծառայողների պարագայում: Տիգրան Դադունցի խոսքով, «Հանրային ծառայության մասին» ՀՀ օրենքում սահմանվել է առանձնահատուկ հիմք հանրային ծառայողների և հանրային պաշտոններ զբաղեցնողների լիազորությունների դադարեցման համար:

«Նման քայլի դիմել ենք՝ միջազգային փորձը հաշվի առնելով: Որպես օրինակ նշեմ, որ վերջերս ԱՄՆ-ում սահմանվեց հանրային ծառայողների հետ կապված նման սահմանափակում, ինչն այժմ փորձում ենք կիրառել մեզ մոտ»,- ասաց Տիգրան Դադունցը:

ավելին

դիտվել է 67 անգամ
Լրահոս
Ալեն Սիմոնյանը Կոթիում մասնակցել է Վանո Սիրադեղյանի հուղարկավորությանը Իրականացվել է ավելի քան 100 անվճար բիզնես դասընթաց՝ ՓՄՁ-ների համար «Բնակչությունը քվեն տալիս է պոպուլիստին ու վերջում կանգնում սակագների բարձրացման, գնաճի ու աղքատության փաստի առաջ»․ «Փաստ» Ձերբակալվել են Եղեգնաձորի համայնքապետի թեկնածուն և շտաբի համակարգողը Այս բանակցողը չի կարող ի շահ Հայաստանի և Արցախի որևէ գործընթաց անել․ «Հայաստան» խմբակցության պատգամավոր Ի՞նչ տիպի ինքնավստահություն կամ տգիտություն պիտի ունենաս` համաձայնելու Թաթոյանին փոխարինել. Անժելա Նալբանդյան Արդյո՞ք որևէ մեկը ճանաչում է ՄԻՊ ՔՊ թեկնածուին. Ռոբերտ Հայրապետյան Այս ընտրարշավին մենք մոտեցել ենք քաղաքական զուսպ պայքարի մշակույթով և թիմային նոր որակով․ Էդուարդ Բաբայան Ադրբեջանցիները մեկ ամսի առաջ կովերին էին տարել, հիմա էլ՝ տիրոջը Ալեն Սիմոնյանը շնորհակալություն է հայտնել կիպրոսցի պաշտոնակցին՝ բարենպաաստ բանաձևի համար Հրազդանի բնակիչները՝ ՔՊ Աբովյանի երթին TeamPay` նոր ընկերություն հայկական վճարահաշվարկային շուկայում Պաշտպանության նախարարությունը հաղորդագրություն է տարածել ՇՏԱՊ. Ի՞նչ անհասկանալի նյութ է շաղ տալիս ու թափում ուղղաթիռը ՀՀ օդային տարածքում.Տեսանյութ Շտապ․Կրակել են «Նիսան-Տիանայի» վրա վարորդը կին է եղել, որը մահացել է.Մանրամասներ Срочно! Շոկային Բացահայտումներ Հադրութից, Հրատապ Տարածել «Ի՞նչ փոխվեց, որ Լապշինը սկսեց Փաշինյանի մասին դրական արտահայտվել». Հոխիկյան «Fly Arna»-ն կսկսի նախնական 4 ուղղություններով կանոնավոր չվերթները Սերժ Սարգսյանի ելույթը խաթարել է իշխանության անդորրը 81 գերի է վերադարձել Հայաստան Ռուսաստանի աջակցությամբ Պատերազմի վերաբերյալ հետքերը թաքցնող, խմբագրող ցանկացած անձ ավելի ծանր պատասխանատվություն է կրելու, քան մյուսները․ Տիգրան Աբրահամյան Առավել կոշտ կանոններ են սահմավնել. նոր խստացումներ Հանուն ինչի՞ է Մհեր Գրիգորյանը համաձայնվել իր վրա վերցնել Նիկոլ Փաշինյանի դավաճանական գործունեության արդյունքները. Ղազինյան Եղանակը Հայաստանի Հանրապետությունում
Ամենաընթերցվածները