Սկանդալային Լիլի Մորտոյի քրոջ լուսանկարներն ու անկեղծ խոստովանությունը Լիլիի մասին
Armlady.am-ն այս անգամ անդրադարձել է Լիլի Մորտոյի քրոջը՝ Թերեզա Մարտիրոսյանին:
Սկանդալային Լիլի Մորտոն իր արտաքինի և համարձակ կերպարների պատճառով մշտապես հայտնվում է քննարկումների ու քննադատությունների կիզակետում։ Նրա անձանական կյանքը մշտապես հանրության ուշադրության կենտրոնում է։
Վերջերս իր հարցազրւյցներից մեկում Լիլին անկեղծ խոստովանել էր, որ բավական ծանր մանկություն է ունցել: Հոր մահից հետո Լիլիի մայրը միայնակ էր մնացել 5 անչափակաս երեխաների հետ և ստիպված էր նրանց պահելու համար վաճառել ամուսնու իրերը:
Լինում էին օրեր, երբ նրանք անգամ հացի գումար չունեին, ինքն ու քույրը ստիպված էին անտառ գնալ՝ ուտելու բան գտնելու համար:
Լիլիի քույրը մոդել Թերեզա Մարտիրոսյանն է։
Նրա կարիերան ի սկզբանե հետաքրքիր ճանապարհով է ընթացել. նա մուտք է գործել մոդելային ասպարեզ՝ մասնագիտությամբ լինելով պրոֆեսիոնալ երգչուհի:
Նա ավարտել է Կոմիտասի անվան պետական կոնսերվատորիայի վոկալ բաժինը։
«Մանուկ հասակում չեմ երազել մոդելինգով զբաղվելու մասին։ Ծնվել եմ Կապանում, և այնտեղ առհասարկ չկա նման հասկացություն։
Պատանեկությունից միայն երազանքս եղել է երաժշտությամբ զբաղվելն ու իտալական օպերայում երգելը։ Եվ այդ երազանքն ունեմ մինչ այսօր»,- մի առիթով պատմել է Թերեզան։
Վերջինս բոլորովին նման չէ Լիլիին։ Թերեզայի խոսքով՝ իրարից չափազանց տարբեր լինելու փաստը շատ է քննարկվում։
Մոդելը նշում է, որ իր համար դա սովորական երևույթ է, քանի որ ինքն ու Լիլին զույգ քույրեր չեն։
«Շատերը մինչև օրս զարմանում են, որ քույրեր ենք: Մենք նմանություններ չունենք, բայց կարող ենք միաժամանակ ասել նույն արտահայտությունը, լսել նույն երգը:
Մենք փոքրուց ենք տարբեր եղել, Լիլին արտաքնապես միշտ տարբերվել է բոլորից, հագել է տարբերվող հագուստ, մազերը հարդարել է տարբերվող ձևով:
Իսկ ես հանգիստ եմ եղել, յուրահատուկ առանձնահատկությամբ չեմ տարբերվել, հիմա էլ չեմ տարբերվում:
Մեր տարբեր լինելը վեճերի առիթ չի դառնում, փոքր տարիքում կարող էինք ափսեները լվալու կամ տունը հավաքելու համար վիճել, մեծ տարիքում վեճեր չեն եղել»,- իր հարցազրույցներից մեկում անկեղծացել է Թերեզան։
Վերջինս խոստովանում է, որ ի տարբերություն քրոջ, ով իր արտաքինի հետ կապված քննադատություններին լուրջ չի վերաբերվում, ինքը տպավորվում է յուրաքանչյուրի կարծիքից։
Այդ պատճառով Թերեզան քրոջ մասին մեկնաբանությունները չի կարդում։