Նոր որոշում դպրոցների համար

Շուտով ջեռուցման սեզոնն է, իսկ էլ. էներգիայի համար վճարում եք չափազանց շատ։ Իսկ դուք գիտե՞ք, որ այսուհետ էլ. էներգիան յուրաքանչյուր ընտանիքում կարող է լինել անվճար։ Սեղմեք և ծանոթացեք պայմաններին` ԱՅՍՏԵՂ

ԿԳՄՍ նախարարությունը ՀՀ բոլոր հանրակրթական ուսումնական հաստատություններում այս տարվա մայիսին հարցում է իրականացրել տարածաշրջանային որևէ լեզվի ուսուցում կազմակերպելու նպատակով:

«Արդյունքում ստացել ենք շուրջ 400 դրական արձագանք, որի մեծ մասը ցանկություն է ունեցել սովորել  ադրբեջաներեն և թուրքերեն: Հաստատությունները տեղեկատվություն են տրամադրել նաև մասնագետի առկայության կամ բացակայության մասին»,-այս մասին ԼՈՒՐԵՐ.com-ին հայտնում են ԿԳՄՍ նախարարության հասարակայնության հետ կապերի և տեղեկատվության վարչությունից»:

Նախարարությունից հայտնում են, որ բազմաթիվ գրություններ և զանգեր են ստանում համապատասխան մասնագետներից, որոնք դասավանդման ցանկություն են հայտնում: Վերջիններին տրամադրվում է այն հաստատությունների ցանկը, որոնք ցանկություն են հայտնել ուսուցանել տարածաշրջանային լեզուներ:

«Այս ուսումնական տարվա սեպտեմբերի 9-ի դրությամբ տարածաշրջանային լեզուների ուսուցման ծրագիրը մեկնարկել է Հայաստանի 23 հանրակրթական ուսումնական հաստատություններում, որոնցից 7-ում՝ պարսկերեն, 3-ում՝ վրացերեն, 9-ում՝ թուրքերեն, 4-ում՝ ադրբեջաներեն»:

ԿԳՄՍ նախարարությունը տարածաշրջանային լեզուների առարկայական ծրագրերը մշակելիս համագործակցել է համապատասխան մասնագետների և Երևանի պետական համալսարանի հետ:

«Ադրբեջաներենի և թուրքերենի ուսուցումը կազմակերպվելու է բացառապես ավագ դասարաններում՝ 10-12-րդ դասարանների սովորողների համար: Վրացերենի և պարսկերենի ուսուցումը կազմակերպվում է կրտսեր և միջին դասարաններից»:

Ինչ վերաբերում է դասագրքերին, ԿԳՄՍ նախարարությունը հայտնում է, որ ծրագիրը ներկայում փորձարկվում է, և արդյունքների հիման վրա կմեկնարկի դասագրքերի ստեղծման գործընթացը:

Մեզ հետ զրույցում կրթության փորձագետ Անահիտ Բախշյանը խոսեց թուրքերենի և ադրբեջաներենի ուսուցման արդյունավետության մասին, նշելով, որ նման քայլը ողջունելի է.

«Ես կարծում եմ, որ որևէ բան չպետք է խանգարի, որպեսզի մեր երեխաները իրենց ընտրությամբ որոշեն ադրբեջաներեն կամ թուրքերեն անցնեն, հատկապես թշնամու լեզուն պետք է իմանալ: Կարծում եմ՝ դպրոցներին պետք է տրվեր այդ հնարավորությունը»:

Անդրադառնալով այն հարցին, թե պետք է համատարած Հայաստանի բոլոր դպրոցները պարտադիր անցնեն այս լեզուները, Բախշյանը կարծիք հայտնեց, որ ներկայումս դրա պահանջը չկա.

«Եթե պարտադիր դարձնեն, շատուշատ խնդիրներ կլինեն՝ դասավանդողներ, այդ առարկայի, լեզվի գիտակներ, նաև մանկավարժներ: Շատ խնդիրներ կառաջանան, դրա համար այն դպրոցները, որոնք կգտնեն այդ մանկավարժներին, իրենք պետք է որոշեն՝ անցնել պարտադիր այդ առարկաները, թե ոչ»:

Բախշյանը այնուամենայնիվ այն կարծիքին է, որ հանրակրթական դպրոցներում երբևէ պարտադիր չի դառնա թուրքերենի և ադրբեջաներենի դասավանդումը:

«Եթե դպրոցը ունենա համապատասխան մասնագետ և որոշի անցնել, ապա ողջունելի կլինի»,-եզրափակեց նա:

դիտվել է 2608 անգամ
Լրահոս
Իրավիճակն առաջնագծում. ՊՆ-ն հաղորդագրություն տարածեց Ուժեղ ցնցումներ. գիշերը երկրաշարժ է արձանագրվել Հայաստանում Դրական եզրակացություն «ԳեոՊրոՄայնինգ Գոլդ» ՍՊԸ-ի՝ Սոթքի ոսկու հանքավայրի շահագործման ՇՄԱԳ հաշվետվությանը Ինչո՞ւ Մխիթար Զաքարյանը վայր դրեց մանդատը. հարցազրույց Շեյքի՛ր և շահի՛ր Volkswagen ID.4 և այլ նվերներ․ Team-ի նոր խաղարկությունը հասանելի է բոլորին Ես չեմ զարմանա, որ վերջում «հավաստի աղբյուրը» հայտարարի, որ թավշյա իշխանազավթում անելուց առաջ, այս ամենի մասին, ինքը տեղյակ չի եղել. Արտակ Զաքարյան «Մուլտի գրուպը»՝ բիզնես կապերի խաչմերուկում. Երևանը պատրաստվում է արդյունաբերական էքսպոյին Ահա և Ադրբեջանի պահանջները Հայաստանից Տեխասում բնակելի համալիր է կառուցվում, որը կապված կլինի Tesla-ի վահանակների և մարտկոցների հետ Շարունակելու եմ քաղաքական գործունեությունս «Վերածնվող Հայաստան» կուսակցության շարքերում. Մխիթար Զաքարյան ՀՐԱՏԱՊ. Հակառակորդը կրակ է բացել հայկական մարտական դիրքերի ուղղությամբ ԵՄ–ն կոչով դիմեց Ադրբեջանին Տիգրան Ավինյանը վարչական շրջաններ աշխատանքային այցերի մեկնարկը տալիս է վթարային շենքերից «Հայաստանը փրկելու համար հաշված օրեր, շաբաթներ են մնացել». Ավետիք Չալաբյան Զանգեզուրի կոմբինատը տարեցների միջազգային օրվա կապակցությամբ այցելել է «Արծվաբույն»՝ Սյունիքի մարզի տարեցների սպասարկման կենտրոն Էներգաարդյունավետություն. Ինչպե՞ս ընտրել բնակարան Հայկական կողմն է առաջարկել. ՀՀ ԱԳՆ–ն հերքում է Ադրբեջանի հայտարարությունը Լևոն Տեր-Պետրոսյանը կրկին խոսեց Վազգեն Մանուկյանի հայտարարությունը Հայտնի է՝ երբ կվճարվեն հոկտեմբեր ամսվա կենսաթոշակները «Հայերի արյունն ավելի քի՞չ արժի, քան ուկրաինացիների արյունը. ինչի՞ եք սպասում». Ֆրանսիացի սենատոր Դոլարն ու եվրոն թանկացել են Անդրանիկ Քոչարյանը գրությունով դիմել է ՆԱՏՕ-ին Զոհվել է 3, վիրավորվել՝ 47 մարդ. ՀՀ Ոստիկանությունը հաղորդագրություն է տարածել Մոտ 7 ժամ կռիվ են տվել, դրա համար էլ տենց կատաղած հարձակվել են տղերքի վրա ու գնդակահարել…
Ամենաընթերցվածները