Իսրայելցի նախարարի որդին զոհվել է Գազայում
![](banners/solaron_s.gif?v=2)
![Իսրայելցի նախարարի որդին զոհվել է Գազայում](/timthumb.php?src=/disc/08-12-23/5afb737d185c81183c5376870e8ec6bc.jpg&w=708)
Այսօր երեկոյան Իսրայելի պաշտպանության բանակի մամուլի ծառայությունը հրապարակել է Գազայի հատվածում սպանված երկու զինվորների անունները։ Նրանք են 34-ամյա պաշտոնաթող մայոր Յոնաթան Դեյվիդ Դեյչը և 25-ամյա սերժանտ մայոր Գալ Մեյր Այզենկոտը: Այս մասին հաղորդում է newsisrael–ը։
Վերջինս ռազմական կաբինետի անդամ, Իսրայելի Գլխավոր շտաբի նախկին պետ Գադի Այզենկոտի որդին է։ Որպես ընդդիմադիր «Պետական ճամբարի» ներկայացուցիչ, նա մարտական գործողությունների բռնկումից հետո ընկերներ Բենի Գանցի և Գիդեոն Սաարի հետ միացել է Իսրայելի կառավարությանը։
Վարչապետ Բենիամին Նեթանյահուն իր ցավակցություններն է հայտնել Այզենկոտի ընտանիքին։ Նա նշել է, որ Գալը քաջ մարտիկ էր և իսկական հերոս։