Իսրայելին Իրանի հարվածից հետո Բայդենը միտումնավոր հանդես չի եկել ուղերձով. Politico

ԱՄՆ նախագահ Ջո Բայդենի օգնականները քննարկել են Իսրայելին Իրանի հարվածից հետո նրա հեռուստատեսային ելույթի հնարավորությունը, սակայն հրաժարվել են այդ գաղափարից՝ էսկալացիայից խուսափելու նպատակով։ Այս մասին հայտնում է Politico թերթը՝ հղում անելով ամերիկյան վարչակազմի աղբյուրներին։

Ինչպես գրում է թերթը, «Սպիտակ տան աշխատակիցները կիրակի քննարկել են ԱՄՆ ժողովրդին Բայդենի՝ ուղերձով դիմելու հնարավորությունը» այն բանից հետո, երբ «Իսրայելը ամերիկյան ուժերի հետ միասին խոցել է Իրանից արձակված անօդաչու սարքերի և հրթիռների ճնշող մեծամասնությունը»։ Սակայն նման տեսաուղերձ կազմակերպելու կոնկրետ ծրագրեր չեն եղել, ընդգծում է թերթը։

Միևնույն ժամանակ, Բայդենը «միտումնավոր չի հայտնվել հանրության առաջ Իրանի հարվածից հետո»՝ հուսալով, որ դա «կնպաստի իրավիճակի դեէսկալացմանը»։

Ըստ աղբյուրներից մեկի՝ Սպիտակ տան Օվալաձև գրասենյակից Բայդենի ուղերձը միայն «կթեժացներ» իրավիճակը։

«Եվ դրանից ավելի լավ է խուսափել», - նշել է Politico-ի աղբյուրը:

Իրանը շաբաթ գիշերն իր տարածքից ավելի քան 300 հարվածային անօդաչու թռչող սարք և հրթիռ է արձակել Իսրայելի ուղղությամբ, ինչն Իսլամական Հանրապետության առաջին ուղիղ հարձակումն էր Իսրայելի վրա: Իսրայելի պաշտպանության բանակի խոսնակ Դանիել Հագարին ասել է, որ ընդհանուր առմամբ Իրանը ավելի քան 300 զինատեսակ է արձակել Իսրայելի ուղղությամբ՝ 170 անօդաչու թռչող սարք, 30 թևավոր և 120 բալիստիկ հրթիռ, և որ դրանց 99%-ը որսացել է Իսրայելի հակաօդային պաշտպանությունը:

ԱՄՆ նախագահ Ջո Բայդենն Իսրայելի վարչապետ Բենիամին Նեթանյահուի հետ զրույցում ասել է, որ Իրանի հարձակnւմն անհաջող էր և որ դա Իսրայելի համար հաղթանակ էր:

Մինչդեռ Իրանի նախագահ Էբրահիմ Ռաիսին հայտարարել է, որ Իսրայելի ցանկացած նոր արկածախնդրություն կարժանանա ավելի ծանր պատասխանի:

«Հետևելով մեր երկրի զինված ուժերի պատմական, հզոր և հաղթական գործողությանը՝ ապրիլի 13-ի ռազմական հարձակմանը, որը ծրագրվել և իրականացվել է ի պատասխան Իրանի Իսլամական Հանրապետության նպատակների և շահերի դեմ սիոնիստական ռեժիմի ագրեսիվ գործողությունների, Իսլամական հեղափոխության պահապանների կորպուսը, երկրի բոլոր պաշտպանական և քաղաքական հատվածների հետ համագործակցությամբ և համակարգմամբ, երեկ երեկոյան նոր էջ է բացել Իրանի հեղինակության պատմության մեջ և դաս տվել սիոնիստ թշնամուն», - ասել է Իրանի նախագահը:

Իրանի Զինված ուժերի գլխավոր շտաբի պետ, գեներալ-մայոր Մոհամադ Հոսեյն Բաղերին, մեկնաբանելով Իրանի գիշերային հարձակումն Իսրայելի վրա, հայտարարել է, որ իրենք այս գործողությունը դիտարկում են որպես արդյունք և իրենց տեսանկյունից այն ավարտվել է, այն շարունակելու մտադրություն չկա:

«Բայց եթե սիոնիստական ռեժիմը որևէ քայլ ձեռնարկի նաև մեր դեմ, մեր հողի վրա կամ Սիրիայում կամ այլ երկրում մեզ պատկանող օբյեկտներում, մեր հաջորդ գործողությունն ավելի մեծ կլինի», - նախազգուշացրել է Բաղերին:

դիտվել է 0 անգամ
Լրահոս
Նա ամեն ինչի ունակ ու պատրաստ է. «Փաստ» Աղետի դառը հետևանքներն ու ոչ պակաս դառը եզրակացությունները. «Փաստ» «Գործ ունենք մարդկանց հետ, որոնց արժեքային համակարգի ամենաբարձր տեղում իշխանությունը ամեն գնով պահելն է. նրանք պատրաստ են ամեն ինչի». «Փաստ» Երերացող իշխանության էժան ու ճղճիմ պահվածքը. «Փաստ» Ովքե՞ր, ի վերջո, դարձան Հայաստանի ազգային հաղթողներ. «Փաստ» Ինչի՞ են ուզում վերածել Հայաստանը Փաշինյանն ու նրա սատելիտները. «Փաստ» Տարեք, թող իրենց կյանքում գոնե մեկ անգամ հայ ժողովրդի համար օգտակար գործ անեն. «Փաստ» Հունիսի 1-ին Հանրապետության հրապարակն «ամրագրել» է քաղաքապետարանը. «Փաստ» Լոռու և Տավուշի մարզերում տարբեր բնակավայրերից փրկվել և տարհանվել է 443 մարդ. ՆԳՆ ՓԾ Օդի ջերմաստիճանը մայիսի 31-ին կբարձրանա 2-4 աստիճանով, հունիսի 1-ին նույնքան կնվազի Հրազենային վիրավորում է ստացել Թուրքիայում գործող «Ազգայնական Օջախներ» կազմակերպության նախագահը Ասիայի ամենահարուստ մարդը որդու համար 2-րդ նախահարսանեկան ճոխ խնջույքն է կազմակերպում ՅՈւՆԵՍԿՕ-ն ոչ մի կերպ չի արձագանքել Արցախում իսպառ ոչնչացված 3 եկեղեցիների հիմնահատակ ավերմանը. monumentwatch Թանկարժեք մետաղների գներն աճել են Սլովակիայի վարչապետի դեմ մահափորձ կատարողը տեղափոխվել է հոգեբուժական բաժանմունք Հայտնի են Գեղարքունիքում կայծակից մահացած և տուժած կանանց ինքնությունները Կոտայքում բախվել են «Toyota»-ն ու «LADA»-ն. վարորդներից մեկը եղել է ոչ սթափ «Մենք այդ ավանդական մտածելակերպը չունենք, որ առաջնեկը պարտադիր պետք է տղա լինի». Էվելինա Շահիրյանն ու Հովհաննես Ղազարյանը պարզել են երեխայի սեռը Զելենսկին և Իսպանիայի վարչապետն անվտանգության համաձայնագիր են ստորագրել Հայաստանի ազգային հավաքականը սկսում է մարզական հավաքը Թուրքիայում երկրաշարժ է եղել ՀԻՄԱ. Բագրատ Սրբազանը շարունակում է քայլերթը. իրավիճակը լարված է Կարգալույծ չեմ. Բագրատ Սրբազանը կպահպանի իր նվիրապետական աստիճանը Իմ նպատակն է կանխել խոշոր պատերազմը. Շոլցը դեմ է, որ Ուկրաինային մատակարարվող զենքն օգտագործվի Ռուսաստանի տարածքի վրա հարձակումների համար Իսկ «ձեռքը կտրելն» ի՞նչ եղավ. «Փաստ»
Ամենաընթերցվածները