Նա ամեն ինչի ունակ ու պատրաստ է. «Փաստ»

«Փաստ» օրաթերթը գրում է.

Երկակի ստանդարտների կիրառումը դարձել է մեր իրականության անբաժանելի մասը։ Ու այն դրսևորվում է ոչ միայն միջազգային հարաբերություններում, այլև ներքաղաքական զարգացումներում։ 2018 թվականին Փաշինյանն ու իր թիմակիցներն իշխանության եկան փողոց փակելու միջոցով։ Ու սա իրենց համար դիտարկվում էր քաղաքական ակցիայի, քաղաքական պայքարի հիմնական օրինական մեթոդ՝ ներկայացնելով, թե այդպիսին է «ժողովրդի կամքը»։ Բայց ներկայում Փաշինյանի իշխանության դիրքորոշումը շատ կոշտ է ընդդիմադիրների բոլոր գործողությունների նկատմամբ, այդ թվում՝ ճանապարհ փակելու։

Ընդ որում, անհնազանդության գործողությունների դեպքում ոտիկանությունն այնպիսի բիրտ ուժ ու բռնություններ է կիրառում, որ շատերը նույնիսկ կարծիք են հայտնում, թե 2018 թվականին դրա կեսի չափ ուժ կիրառվեր, Նիկոլ Փաշինյանը ականջները կտեսներ, բայց իշխանություն չէր տեսնի: Ավելին, եթե նախկինում այդպիսի բռնություններ կիրառվեին, ապա դրա շուրջ քննադատությունների մեծ ալիք կբարձրանար, իսկ Արևմուտքի «իրավապաշտպան» կազմակերպությունները մեկը մյուսի հետևից մարդու իրավունքների և ժողովրդավարության հետընթաց արձնագրող զեկույցներ կպատրաստեին՝ սպառնալից կոչեր հղելով ՀՀ իշխանություններին։ Սակայն այդ նույն կազմակերպությունները դժկամությամբ են արձագանքում և չտեսնելու են տալիս Փաշինյանի իշխանության անօրինական գործողությունները և ոստիկանության կիրառած վայրագությունները։

Այսինքն. այնպես է ստացվում, որ ինչ կարելի էր Փաշինյանին 2018 թվականին, չի կարելի մյուսներին։ Օրինակ՝ Փաշինյանին ու իր համախոհներին կարելի էր շրջափակել կառավարական շենքերը, ռադիոտուն մտնել, հետո նույնիսկ դատարանների շենքերը շրջափակել, իսկ մյուսներին չի կարելի նույնիսկ այդ շենքերի մոտով անցնել։ Կառավարական շենքերը, հատկապես առաջին մասնաշենքը մի քանի շարք ոստիկաններով է շրջապատված լինում, և ոստիկանությունն իսկույն դիմում է բիրտ ուժի կիրառմանը, եթե հանկարծ ընդդիմադիր որևէ նախաձեռնություն անհնազանդության գործողությունների շրջանակներում պարզապես մոտենում է այդ շենքերին։ Ավելին, հիմա անգամ ինչ-որ կասկածելի ձայնագրություններով մարդկանց վրա գործ են սարքում, թե իբր ցանկացել են... իշխանություն զավթել։ Էլ չենք խոսում այն մասին, որ այսօր ծավալվող ընդդիմադիր շարժման ներկայացուցիչները հանկարծ փորձեն ներխուժել, օրինակ՝ Ռադիոտուն։

Նրանց նկատմամբ իսկույն քրեական գործեր կհարուցեն: Նույնը վերաբերում է նաև արագաչափերի տեսախցիկները փակելուն, հանկարծ որևէ ընդդիմադիր թող բախտը փորձի տեսախցիկ փակելու հարցում... Մյուս կողմից՝ թե՛ իշխանության գալուց առաջ և թե՛ իշխանությունը զավթելուց հետո Փաշինյանն ու իր թիմակիցները պարբերաբար ատելություն ու թշնամանք են գեներացրել իրենց քաղաքական մրցակիցների հասցեին։ Ինչպես 2018 թվականին իշխանափոխության ժամանակ սև ժապավեններ էին կապում, դագաղներ էին դնում դռների առաջ, այնպես էլ դրանից հետո հայհոյախոսությունը, վիրավորանքներն ու թշնամանքի բորբոքումը դարձան ներքաղաքական ու ներհասարակական հարաբերությունների անբաժան մաս։ Այս օրերին էլ քպականներն ու նրանց սատելիտները ամենավերջին վիրավորանքներն ու հայհոյանքներն են տեղում հայ ժողովրդի ու Հայ առաքելական եկեղեցու հասցեին:

Բայց բավական է որևէ քպականի հասցեին մի թեթև «անհաճո» արտահայտություն հնչի, անմիջապես գործի է դրվում իրավապահ մահակը։ Այս պարագայում անմիջապես օրենքը սկսում է «գործել», իսկ երբ վիրավորանքները տարածվում էին ու հիմա էլ տարածվում են ընդդիմադիրների հասցեին, ոչինչ էլ տեղի չի ունենում։ Դե, երևի, Փաշինյանի արյունը «կապույտ» է: Ու քանի որ այդպես է, ուրեմն, նրան թույլատրված է Հայաստանի ինքնիշխանության պաշտպանության անվան տակ Արցախը թողնել Ադրբեջանի կազմում, Հայաստանից տարածքներ հանձնել Ադրբեջանին: Չէ՞ որ Փաշինյանը «պաշտպանում» է մեր պետականությունը՝ մեկը մյուսի հետևից տարածքներ հանձնելով։ Նա անընդհատ խոսում է Հայաստանի տարածքային ամբողջականության ու 29 հազար 743 քկմ տարածքի մասին, բայց ադրբեջանական զինված ուժերն այդպես էլ դուրս չեն գալիս իրենց կողմից օկուպացված ՀՀ տարածքներից։

Ու ճակատագրի հեգնանքով այն նույն մարդիկ, ովքեր հիմա գլխիկոր կատարում են Ադրբեջանի պահանջները, տարիներ առաջ 800 հեկտարի համար մեծ վայնասուն էին բարձրացնում՝ նշելով, թե այն ժամանակվա իշխանությունները փորձում էին հողերը հանձնել։ Սրանք միայն մի քանի օրինակներ են: Սակայն այն, ինչ հիմա անում է Փաշինյանի իշխանությունը, նույնիսկ երկակի ստանդարտների մեջ չի տեղավորվում. բոլոր նրա քայլերը առաջին հերթին ցույց են տալիս մեկ բան՝ հողը փախչում է նրա ոտքերի տակից, ու նա ամեն գնով փորձում է ամրացնել այդ հողը: Կրկնում ենք՝ ամեն գնով: Նա ամեն ինչի պատրաստ է...

Մանրամասները՝ «Փաստ» օրաթերթի այսօրվա համարում

դիտվել է 9 անգամ
Լրահոս
Իշխանափոխությունն այսօրվա Հայաստանում անխուսափելի է. «Փաստ» Մարդկության երրորդ առաքելության գաղափարը շատերին է հրապուրել, սակայն մարդիկ դեռևս չգիտեն դրա կյանքի կոչման ուղիները. «Փաստ» Ինչո՞ւ է Փաշինյանը «տառապում» Ադրբեջանի համար. «Փաստ» «Այստեղ կա որոշակի փիլիսոփայական հենք, ինչպես նաև քաղաքակրթական առաջարկ». «Փաստ» Իշխանությունների պաղեստինյան «ցատկի» խորությունը. «Փաստ» Շարժումը ոչ միայն զտվող-զուլալվող է, այլև քաղաքական լյուստրացիայի հիանալի առիթ. «Փաստ» Հայաստանի դրոշը տիեզերքում հայտնվել էր դեռ 6 տարի առաջ. «Փաստ» Այս պահին գործ ունենք դինամիկայի որոշակի փոփոխության հետ. «Փաստ» Ահռելի «ջրաղացը» հանձնել են թշնամուն, «չախչախ» են խաղացնում. «Փաստ» Կյանքից հեռացել է Պելեի մայրը. նա այդպես էլ չիմացավ Պելեի՝ կյանքից հեռանալու մասին ՀԱՊԿ-ը կօգնի, եթե Ռուսաստանը Դաղստանի ահաբեկչություններից հետո օգնություն խնդրի. գլխավոր քարտուղար ԵՄ-ն պատժամիջոցներ է սահմանել Կադիրովի մոր նկատմամբ ՀՀ ԿԲ-ը UBPAY հայաստանյան և KWIKPAY արտասահմանյան համակարգերի համագործակցության թույլտվություն է տրամադրել Խաղաղ օվկիանոսի ափին երկրաշարժ է տեղի ունեցել «Համահայկական ճակատը» պայքարելու է հայոց պետականության ամրապնդման համար Բացահայտվել է հանցագործության 183 դեպք Ալիևը ցավակցել է Պուտինին Պլանային ջրանջատում Արմավիրի մարզում Մուսուլմանների՝ դեպի Մեքքա այս տարվա ուխտագնացության ժամանակ զոհվածների թիվը հասել է 1,301-ի Տեղի է ունեցել «Համահայկական ճակատ» կուսակցության հիմնադիր համագումարը Ի՞նչ մար­դու իրա­վունք­ներ, ի՞նչ մի­ջազ­գա­յին իրա­վունք. Ադր­բե­ջա­նը ճա­նա­պարհ է հար­թում նոր ագ­րե­սի­ա­յի հա­մար, իսկ մի­ջազ­գա­յին հան­րու­թյու­նը լռում է. «Փաստ» Արև­մուտ­քի տրանս­ֆոր­մա­ցի­ոն փու­լի եզ­րագ­ծե­րը. «Փաստ» «Դիվերսիֆիկացման լոզունգների ներքո իրականացվում է քաղաքականություն, որը կարող է մեզ տանել թուրք-ադրբեջանական տանդեմից կախվածության». «Փաստ» Իրավաքաղաքական խտրականությունը երբեք ոչ մեկին լավ տեղ չի տարել ու չի տանելու. «Փաստ» Իսկ հայ գերիների ու պատանդների վերադարձ չեք ուզո՞ւմ պահանջել. «Փաստ»
Ամենաընթերցվածները