Ալեքսանդրա Գրիգորյանն՝ աշխարհի առաջնության բրոնզե մեդալակիր
Բահրեյնի մայրաքաղաք Մանամայում մեկնարկած ծանրամարտի աշխարհի առաջնությունում դեկտեմբերի 8-ին Հայաստանն ուներ մեկ ներկայացուցիչ:
Կանանց 55 կգ քաշայինների պայքարում մրցահարթակ դուրս եկավ Եվրոպայի գործող չեմպիոն, 19-ամյա Ալեքսանդրա Գրիգորյանը եւ երկամարտի 205 կգ արդյունքով նվաճեց բրոնզե մեդալ։
Պոկում վարժությունում նա 85կգ-ով գրավեց 12-րդ տեղը, հրում վարժությունում բարձրացրեց 120 կգ՝ նվաճելով նաեւ փոքր արծաթե մեդալ։
Չեմպիոնի տիտղոսը նվաճեց հյուսիսկորեացի Հյոն Գյոն Կանը` 226 կգ (100+126)։
Երկրորդ տեղում է Չինական Տայպեի ներկայացուցիչ Գուան-Լին Չենը՝ 211 կգ (93+118)։
