Էրդողանը մեկնաբանել է ԱՄՆ իր այցի հնարավորությունը
Թուրքիայի նախագահ Ռեջեփ Թայիփ Էրդողանը ուրբաթ հայտարարել է, որ ԱՄՆ իր այցի օրը դեռ չի նշանակված, հաղորդում է Anadolu-ն։
Ստամբուլում լրատվամիջոցների հետ զրույցում նա ասել է, որ ստույգ ժամանակը, թե երբ է թուրքական կողմն աշխատանքային այց կատարելու Միացյալ Նահանգներ, դեռ որոշված չէ։
«Սակայն, միևնույն ժամանակ, արտգործնախարարը (Հաքան Ֆիդանը) և առևտրի նախարարը (Օմեր Բոլաթը) կարող են ԱՄՆ-ի հետ կապված հանդիպումներ կամ ճամփորդական ծրագրեր ունենալ»։
Էրդողանը նշել է, որ «դրական մոտեցումը, որն իրենք տեսնում են Թուրքիայի նկատմամբ, կվերածվի կոնկրետ գործողությունների»։
Նշենք, որ Թուրքիայի առևտրի նախարար Օմեր Բոլաթն ուրբաթ օրը հայտարարել էր, որ Անկարան ցանկանում է բանակցել Միացյալ Նահանգների հետ՝ Դոնալդ Թրամփի հայտարարած լրացուցիչ 10 տոկոս մաքսատուրքը հանելու համար։
