«Կգա ժամանակը, փաստաթղթերով կասենք, իրենց զեկուցածներով. զորամասերի համարներով, անունազգանուններով ունենք». ի՞նչ է սպասվում Նիկոլ Փաշինյանին. «Փաստ»

«Փաստ» օրաթերթը գրում է.

ՀՀ գործող իշխանությունները համոզում էին, թե կարող են արդար, ազատ ընտրություններ անցկացնել, բայց բանից պարզվեց՝ դա էլ չեն կարողանում անել։ Այսպիսի կարծիք ունի «Համահայկական ճակատ» շարժման առաջնորդ, պաշտպանության նախկին նախարար, գեներալ-մայոր Արշակ Կարապետյանը. «Գյումրու ընտրությունները խայտառակություն էին։ Հարբած անձնակազմ, ընտրակեղծիքների կիրառում, ձերբակալություններ, շանտաժներ, դրսից մարդ բերել։ Բայց ի սկզբանե պարտված էին, քանի որ թեկնածուն կապ չուներ ՔՊ-ի հետ»,նշել է Արշակ Կարապետյանը։

Նրա տպավորությամբ, Գյումրիում քաղաքապետի ընտրությունները հիշեցնում էին 2021 թ. ընտրությունները: «Նույն դեմքերը, նույն ուժերը, և տեսանք այն, ինչ միշտ եղել է Հայաստանում»,- իր հարցազրույցում ասել է գեներալ-մայորը և հավելել, որ իշխանությունը, ցանկանալով տակտիկական հաղթանակ տանել, ստրատեգիական պարտություն կրեց: Պաշտպանության նախկին նախարարն ասել է, թե իր կուսակիցներն ակտիվորեն աջակցել են Փարաքարում ընդդիմադիր թեկնածուին, հայտարարություն են տարածել։ Ըստ Կարապետյանի, Փարաքարի մասով իշխանությանը զեկուցել էին, թե 60 տոկոս քվե ունեն, ուստի բոլոր ուժերը կենտրոնացրել էին Գյումրիում։ Եվ այժմ Փարաքարի վերաբերյալ զեկուցողն էլ խնդիր է ունենալու։

Արշակ Կարապետյանը խոսել է Սյունիքի մասին, նշել, թե այսօր մեր տարածաշրջանում այնպիսի իրավիճակ է, որ ով վերահսկում է Սյունիքը, վերահսկում է ողջ Կովկասը։

Ուստի Սյունիքի շուրջ մեծ շարժ կա։ «Մենք այսօր կանգնած ենք մի հարցի առջև՝ գոյատևման, մեր պետականության պահպանման։ Եթե մենք չդիմադրեցինք, բոլորն աշխատելու են իրենց համար։ Եթե դու քեզ չպատրաստեցիր պաշտպանության, ոչ ոք ձեռք չի մեկնելու»,- նշել է գեներալ-մայորը, հավելել, թե Սյունիքի հարցը բավական սուր հարց է։

Կարապետյանի խոսքով, Ալիևը չի պատրաստվում որևէ բան ստորագրել։ «Մինչև մենք չհիշենք մեր արժանապատվության մասին, ոչ ոք ոչինչ չի ստորագրելու»,- նշել է Կարապետյանն ու նկատել, թե Ալիևը կարծում է, որ Հայաստանը կորցրել է դիմադրելու ընդունակությունը, և փորձում է ավելին խլել։

Պաշտպանության նախկին նախարարը վստահ է, որ մի օր Նիկոլ Փաշինյանի իշխանությունը փախչելու է։ «Մի օր կարող եք արթնանալ և տեսնել, որ փախել են։ Պետք է անակնկալի չգալ այդ փաստից, արագ ինքնակազմակերպվել»,- նշել է Կարապետյանը։ Նշում է, թե իշխանափոխությունից հետո հարյուրավոր գործեր են հարուցվելու դատախազության կողմից։ «Կգա ժամանակը, փաստաթղթերով կասենք, իրենց զեկուցածներով՝ ինչ են զեկուցում Նիկոլ Փաշինյանին, նույնիսկ շարքային զինվորների մասով։ Զորամասերի համարներով, անուն-ազգանուններով ունենք»,- նկատել է Կարապետյանը և հավելել, թե ամեն օր ցավալի տեղեկություններ են ստանում, թե ինչ է կատարվում իրականում։

Կարապետյանը նաև վստահ է, որ Հայաստանը կարող են փրկել զինվորականները։

Մանրամասները՝ «Փաստ» օրաթերթի այսօրվա համարում

Լրահոս
Բրիտանական մասեր են հայտնաբերվել Ուկրաինան ռմբակոծող ռուսական անօդաչուներում. Զելենսկի Որոշումը գրեթե ընդունված է․ Թրամփ Խոշոր վթար Վաղարշապատում. վիրավnր կա Ջերմաստիճանը կնվազի Արտակարգ դեպք՝ Գեղարքունիքի մարզում Մերձավանի ծեծկռտուքով կա 5 ձերբակալված Չիկունգունյա տենդ, ի՞նչ է սա, որքա՞ն մարդ է վարակված Դե, մարդիկ այլ բանով են զբաղված. «Փաստ» «Վախեցողների» կենսաթոշակային պոպուլիզմը. «Փաստ» Ավելին, քան պարզապես «երկակի ստանդարտները». «Փաստ» «Այս իշխանության հակասոցիալական դեմքն ակներև է». «Փաստ» Որոշումը կայացրել էին ու ընկել կրակը. ինչո՞ւ է ստիպված հետքայլ անում իշխանությունը. «Փաստ» Հասարակությունը մերժում է Արևմուտքի մասին իշխանության «հեքիաթները». «Փաստ» Դաշինքո՞վ, թե միայնա՞կ. ի՞նչ աժիոտաժ է Մարուքյանի կուսակցությունում. «Փաստ» Գյումրու տոնը՝ քաղաքական բևեռացման ու սուր հակամարտության ֆոնին. «Փաստ» Արցախից տեղահանված 18-ամյա տղան հիվանդանոցում մաhшցել է Վեհափառն ընդունել է Հայ օգնության ֆոնդի տնօրենների խորհրդի անդամներին Բանակցություններից հետո Իսրայելը համաձայնվել է զորքերի դուրսբերմանը․ Թրամփ Արարատում բախվել են «Mercedes»-ը, «Kia»-ն և «Skoda»-ն. կա 4 տուժած Վերջին 4 տարվա ընթացքում մենք արդեն տեսել ենք մեր երկրում «Մայդան» կազմակերպելու 5-րդ փորձը․ Կոբախիձե Լա Լիգա․ «Ռեալը» 3:1 հաշվով հաղթել է «Վիլյառեալին» Գեղարքունիքում «Լադա»-ն բախվել է բենզալցակայանի տանիքի հենասյանն ու բետոնե արգելապատնեշին․ կա տուժած Մարոկկոյում անկարգությունների հետևանքով կան զnհեր և վիրավորներ Transfermarkt-ը թարմացրել է Լա Լիգայի ամենաթանկ ֆուտբոլիստների ցանկը Թրամփը հայտարարել է Միացյալ Նահանգների և թմրակարտելների միջև զինված հակամարտության մեկնարկի մասին. NYT
Ամենաընթերցվածները