Դոնարուման հեռացվել է «ՊՍԺ»-ի հայտացուցակից
Իտալացի դարպասապահ Ջանլուիջի Դոնարուման չի ընդգրկվել ՊՍԺ-ի հայտացուցակում «Տոտենհեմի» դեմ կայանալիք ՈւԵՖԱ-ի Սուպերգավաթի խաղի համար։ Այս մասին հայտնում է ինսայդեր Ֆաբրիցիո Ռոմանոն։
«ՊՍԺ-ն Դոնարումային դուրս է թողել հայտացուցակից, քանի որ ակումբի և ֆուտբոլիստի միջև բոլոր հարաբերությունները խզված են։ Նոր պայմանագրի վերաբերյալ համաձայնություն չկա և չի լինի։ Ակումբում հավատում են, որ Շևալյեն կդառնա իրենց նոր առաջին համարը»,- սոցցանցի իր էջում գրել է Ռոմանոն։
Այսպիսով, ՈւԵՖԱ-ի Սուպերգավաթի խաղում փարիզյան գրանդի դարպասը ամենայն հավանականությամբ կպաշտպանի թիմի նորեկ Լուկաս Շևալյեն։
ՈւԵՖԱ-ի Սուպերգավաթի խաղը ՊՍԺ-ի և Լոնդոնի «Տոտենհեմի» միջև կկայանա չորեքշաբթի՝ օգոստոսի 13-ին, Երևանի ժամանակով 23:00-ին։
