Պատմական հիշողության «տաբուներ». «Փաստ»
«Փաստ» օրաթերթը գրում է.
Դեռևս մեկուկես տարի առաջ տեղեկացրել էինք, որ բազմաթիվ դպրոցներում հանում են հերոսների նկարները, այսինքն՝ վերացնում են «փառքի անկյունները»: Դեռևս այն ժամանակ նշել էինք, որ հերոսականության, հաղթանակի վերաբերյալ մեր պատկերացումները ջնջելու, ազգայինի դեմ պայքարի շրջանակներում իշխանությունները հետևողական քայլեր են անում, և դա շարունակություն է ունենալու:
Վերջին օրերին ավելի հաճախակի են տեղեկություններ շրջանառվում, որ դպրոցներում հանում են «փառքի անկյունները»: Սակայն սա ամենը չէ: Պարզվում է՝ բուհերում ևս ինտենսիվ պայքար է մղվում ազգայինի դեմ: Մասնավորաբար, մենք պարբերաբար տեղեկություններ ենք ստանում, որ տարբեր բուհերում անցկացվող մրցույթների, գրական, երաժշտական միջոցառումների ժամանակ նախապես զգուշացվում է, որ կան հստակ «տաբուներ»: Բանն այն է, որ «ցանկալի չեն», այսպես կոչված, դաշնակցական երգերը, այն երգերն ու բանաստեղծությունները, որտեղ հիշատակվում են Արևմտյան Հայաստանի բնակավայրերը, Ցեղասպանությունը, Արցախը, Արցախյան հերոսամարտը, հաղթանակը և այլն:
Մի խոսքով, իշխանությունները շատ հետևողական են, որպեսզի առավելագույն մոռացության տրվի այդ ամենը: Թե չէ, մեկ էլ տեսար, Ադրբեջանում ու Թուրքիայում իրենցից «նեղացան»:
Մանրամասները՝ «Փաստ» օրաթերթի այսօրվա համարում
